Avstralııa joǵalǵan «Boıng-777» ushaǵyn tapqandyǵyn jarııalady
ASTANA. QazAqparat - Avstralııanyń Premer-Mınıstri Tonı Ebbot eldiń jerserigi Malaysia Airways áýe kompanııasynyń 8 naýryz kúni joǵalyp ketken ushaǵynyń qırandylary bolýy múmkin nysandardy tapqandyǵyn jarııa etti, dep habarlady Bı-Bı-Sı.
Onyń sózine qaraǵanda, qırandylar tabylǵan aýdanǵa ushaq jiberildi. Aıta keterligi, Avstralııa «Boıng» ushaǵyn ońtústik aýdanda, ıaǵnı Indonezııa jaǵalaýynan qurlyqtyń batysyna deıingi aralyqtaǵy izdeý jumystaryna basshylyq jasaýda. Budan sál erterek joǵalǵan laıner komandıriniń úıin tintý barysynda aıajattyǵý kompıýterindegi málimetter zertteýge alynǵan bolatyn. Bul jumystarǵa AQSh-tyń Federaldy tergeý bıýrosy aralasyp, Malaızııa bıligine kómek kórsetýde. Boljam boıynsha ushqysh kompıýtor jadynan tergeý amaldaryna kedergi keltiretin birqatar faıldardy joıyp jibergen. 239 jolaýshysy bolǵan ushaqty izdeý jumystaryna qazirgi ýaqytta 26 el jumylyp otyr.
