Avstralııa jaǵalaýlarynda alyp kıt paıda boldy
ASTANA. 23 qyrkúıek. QazAqparat - Sıdneı shyǵanaǵynda katermen qydyryp júrgen týrısterdiń nazaryn uzyndyǵy shamamen 30 metr jáne salmaǵy 200 tonna shyǵatyn kók kıt aýdardy, dep habarlady «Korrespondent.net».
Jergilikti BAQ-tyń habaraýynsha, kók kıt bul arada sırek kezdesetin kórinedi.
Osy janýarlarǵa baqylaý júrgizip júrgen Djonas Lıbshnerdiń jýrnalısterge málimdeýinshe, olar 20 jyldan astam ýaqyttan beri Avstralııa jaǵalaýlarynda bolmaǵan. Mamandardyń pikirinshe, kıt tamaq izdep júrip, Antarktıdaǵa áýelgi baǵytynan jańylysqan. Budan buryn avstralııalyq ekologtar eldiń soltústik-batysynda gaz ındýstrııasyn damytý búkir kıtterdiń jergilikti jerlerde ósip-ónýine qaýip tóndiretinin aıtqan bolatyn.
