Avstralııa úkimeti zeınetke shyǵýdy 70 jasqa deıin uzartpaq
ASTANA. QazAqparat - Avstralııalyqtarǵa zeınetaqy alý úshin 70 jasqa deıin jumys isteý kerek. El úkimeti 2035 jylǵa qaraı álemniń damyǵan elderiniń arasynda zeınetke shyǵý jasy eń joǵary memleket bolatyndyǵyn bildiretin josparyn jarııalady.
Avstralııada zeınetke shyǵý jasy resmı belgilenbegen. Alaıda er adamdar 65 jastan, áıelder 60 jastan bastap zeınetke shyǵýǵa quqy bar. Atalǵan júıe bir ǵasyrdan astam (1908 jyldan bastap) ýaqyttan beri jumys isteýde.
Avstralııa bıligi mundaı qadamǵa amalsyzdyqtan baryp otyrǵandaryn atap ótti. «Bul bizdiń memlekettik bıýdjetimizdi uzaq merzimge josparlaýda aıtarlyqtaı mańyzdy», - dep málimdedi mınıstr Hokı.
Elde jasy ulǵaıǵan adamdar úlesiniń artýy aıtarlyqtaı kúrdeli máselelerdiń birine aınalyp otyr. Aldaǵy 30 jylda Avstralııada 65 jáne odan joǵary jastaǵy azamattardyń sany 3,5-ten 7 mıllıon adamǵa deıin ósip, el halqynyń 22 paıyzyn quraıdy degen boljam bar.
