Avstralııa turǵyny qyzyna shabýyldaǵan kengýrýmen aıqasty
ASTANA. QazAqparat - Avtralııalyq Poınt-Vernon qalasynyń turǵyny Argentına Abıdjaronnyń eki jasar qyzyna shabýyldaǵan kengýrýmen aıqasýyna týra keldi.
Qyz aýlada alty jasar aǵasymen birge serýendep júrgen, dedi áıel Fraser Coast Chronicle basylymyna.
Ol balasynyń shyńǵyrǵan daýsyn estip qalady. Jyldam aýlaǵa shyqsa, qyzy jerge qulaǵan, oǵan kengýrý shabýyldap jatyr eken. Áıeldiń aıtýynsha, kengýrýdyń boıy ózimen birdeı. «Ony tepkilep, jeńýge tyrystym, ol biraq kúshti eken», - dedi áıel.
Kórshisi kómekke kelmegende, istiń nemen tynary belgisiz edi. Ol kengýrýdyń kóńilin basqa nársege aýdara bildi, sol kezde áıel qyzyn alyp qashyp ketti.
Aýrýhanada qyzdyń denesin 17 jerinen tikti.
