Avstralııa turǵyny eki mınýttyń ishinde 5 balany dúnıege ákeldi
ASTANA. QazAqparat - Avstralııada egiz bala kútip júrgen áıel eki mınýttyń ishinde bes bala týdy.
Avstralııanyń batys jaǵalaýynda ornalasqan Pert qalasynda turatyn Kım Týchchı men onyń kúıeýi Von taǵy bir sábıdiń dúnıege kelýin tilep júrgen. Olardyń buǵan deıin úsh balasy: eki qyz ben uly bolǵan edi.
Aıaǵy aýyr bolǵan áıel dárigerge kóringen. Oǵan egiz sábıdiń anasy bolatyndyǵy jóninde aıtylǵan. Biraq ekinshi ret qaralǵanda erli-zaıypty Týchchılerdi unamdy da erekshe syı kútip turdy - ana qursaǵynda ekeý emes bes perzent dúnıe esigin ashýǵa talpynyp jatqan.
Alǵash estigende Kım ne isterin bilmeı, tek kúle bergen kórinedi. Bári de sátti aıaqtaldy. Ol nebári eki mınýttyń ishinde bes deni saý perzent: bir ul jáne tórt qyz týdy.
Erli-zaıyptylar uldaryn - Kıt dep atap, al qyzdaryna Tıffanı, Elı, Penelopa jáne Beatrıs esimderin berdi, dep habarlaıdy informing.ru.
