Avstralııa tennısshisi elsiz aralda ómir súrý úshin karerasynan bas tartty
ASTANA. QazAqparat - Avstralııa tennısshisi Bernard Tomıch 2018 jylǵy maýsymashar oıyndaryna qatysýdan «Men juldyzbyn... meni qutqaryńdar!» realıtı-shoýy úshin bas tartty, dep habarlaıdy Habar 24.
Tennis World USA basylymnyń málimetinshe, atalmysh baǵdarlamanyń túsirilimi aqpan aıynda bastalady. Biraq avstralııalyq sportshy qańtar aıynda ótetin Australian Open týrnırin jibermekshi. Álemniń 140-shy raketkasy realıtı-shoýǵa qatysqany úshin 472 myń AQSh dollaryn alady. Al Australian Open týrnırinde osynshama qarjy alý úshin shırek fınalǵa deıin jetýi kerek eken (aqshalaı syıaqy 600 myń AQSh dollary). Jalpy shoý barysynda birneshe tanymal juldyzdy elsiz aralǵa jiberedi. Al olar ózderi azyq taýyp, kúnderin kórýi tıis. Ár apta saıyn bir qatysýshy baǵdarlamamen qosh aıtysady.
