Avstralııa tarıhyndaǵy eń ystyq jaz maýsymy aıaqtaldy
ASTANA. 2 naýryz. QazAqparat - Avstralııanyń búkil tarıhyndaǵy eń ystyq jaz aıaqtaldy, dep habarlady Trýd.rý.
Avstralııalyq klımatty zertteý ortalyǵynyń málimetteri boıynsha, eldegi ortasha temperatýra 28,6 gradýs bolsa, Sıdneıde termometr baǵany +46 gradýsqa deıin kóterildi, bul aptap ystyqtyń jańa rekordy boldy.
Qańtardyń birinshi jartysynda qurlyqtyń basym bóliginde aptap ystyq kúsheıip, ol sondaı-aq birqatar shtattarda iri órtterdiń shyǵýyna sebepker boldy.
Sınoptıkter eger bolashaqta atmosferany gazben lastaý jalǵasa berse, kúshti ystyq aýa raıy qaıtalanýy múmkin ekendigin eskertti.
