Avstralııa tarıhynda bolmaǵan aptap - temperatýra 42-43 gradýstan túspeı tur
ASTANA. 17 qańtar. QazAqparat - Avstralııanyń ońtústik shtattarynyń turǵyndary úshin aptap ystyq maza bermeı tur.
Aımaqta ótken aptanyń sońynan beri aýa temperatýrasy shegine jetti. Búgin, 17 qańtarda aýa temperatýrasy Adelaıda qalasynda 43 gradýsty kórsetýi yqtımal. Melbýrnda da aptap ystyq bolyp, synap baǵanalary 42 gradýsqa deıin kóteriledi. Osylaısha Avstralııanyń shamamen 4,3 mln turǵyny bar ekinshi iri qalasynda erekshe rekord ornamaq - temperatýrany baqylaý tarıhynda bul kórsetkish birinshi ret qatarynan tórt kún boıy 40-tan túspeı tur.
Melbýrnda tap qazirgi ýaqytta tennısten Avstralııanyń ashyq chempıonaty ótýde. Beısenbide aptap ystyqqa baılanysty kúndizgi kóptegen matchtar toqtatylyp, keshke qaıta jalǵasyn tapty. Bul kúni medıtsına qyzmetkerleri 970 kórermenge kómek kórsetti, olardyń kóbine kún ótken, dep habarlady ITAR-TASS.
