Avstralııa sý tasqynynan keıin jańa salyq engizip otyr
ASTANA. 27 qańtar. QazAqparat - Avstralııa ókimeti sońǵy aıdyń ishinde 35 adamnyń ómirin qıǵan jáne el ekonomıkasyn turalatyp otyrǵan sý tasqynynan keıin eldi qalpyna keltirýge qarajat jınaýǵa arnalǵan jańa ýaqytsha salyq engiziletinin jarııa etti. Bul týraly Ýtro.rý saıty habarlady.
Jergilikti buqaralyq aqparat quraldarynyń málimetterine qaraǵanda, jańa salyq 2 mıllıardqa jýyq AQSh dollaryn jınaýǵa kómektesedi. Sý tasqynynan eń qatty zardap shegip otyrǵan Vıktorııa jáne Kvınslend shtattarynyń turǵyndary bul salyqty tólemeıdi. Sondaı-aq tabysy 50 myń dollardan tómender de bul salyqtan bosatylady.
Sý tasqynynan kelgen ekonomıkalyq shyǵyn 10 mıllıardtan astam dollarǵa baǵalanyp otyr. Tabıǵat apatynyń saldarynan Kvınslend shtatyndaǵy kómir shahtalarynyń 75 paıyzy jabyldy, osynyń nátıjesinde kómirdiń álemdik naryqtaǵy baǵasy aspandap barady.
