Avstralııa shtattarynyń birinde jańbyr órttiń úshten birin sóndirgen
NUR-SULTAN. QazAqparat - Avstralııa halqy jańbyrdyń jaýǵanyn kútip júr. Jańa Ońtústik Ýels shtatynda jańbyr órttiń úshten birin sóndirgen. Bul órt sóndirýshilerge kóp kómek boldy, dep jazady QazAqparat CNN-ge silteme jasap.
Jańa Ońtústik Ýels shtatynyń órt sóndirý qyzmetiniń aıtýynsha, aýa raıynyń arqasynda bir kúnde belsendi órt úshten birge azaıǵan.
«Biz baqyttan basymyz aınalyp, qatty qýandyq. Jańa Ońtústik Ýels shtatynyń kóp bóliginde jańbyr jaýyr jatyr. Biz jańbyrdyń uzaq jaýýyn tilep otyrmyz» dep jazady sheneýnikter.
Olardyń aıtýynsha, aldaǵy birneshe kúnde jańbyr tolassyz jaýýy múmkin.
Aıta ketý kerek, Avstralııada órtten 20 adam qaza taýyp, shildeden beri mıllıondaǵan akr jer órtenip ketti. Sıdneı ýnıversıteti ekologtarynyń aıtýynsha, Avstralııada órtten 1 mıllıardtan astam janýar ólgen.
