Avstralııa shetelge soǵysqa barǵandardy túrmege otyrǵyzýǵa nıetti
ASTANA. QazAqparat - Avstralııa Úkimetiniń basshysy Tonı Ebbot sheteldik ekstremıstik toptarǵa qosylyp jatqan el azamattaryna qatysty qylmystyq jaýapkershilik týraly usynylyp otyrǵan zań jobasy Parlamentte maquldanatynyna úmit artty.
Saıasatkerdiń sózine qaraǵanda, zań qabyldanǵan jaǵdaıda, sodyrlardyń jaǵynda soǵysqan azamattar úılerine oralǵan bette uzaq merzimge abaqtyǵa qamalatyn bolady.
Sonymen qatar qaýipsizdik qyzmetterine toptarmen baılanysy úshin kúdikti sanalatyn adamdardy tutqyndaý quqyǵy berilýi múmkin.
Buǵan qosa, zań jobasyna sáıkes, qaqtyǵystardyń «tyıym salynǵan aımaqtaryna» avstralııalyq azamattardyń saparlary da qylmys retinde sanalýy yqtımal.
Ótken aptada Avstralııada el tarıhyndaǵy eń aýqymdy lańkestikke qarsy operatsııa bastaldy.
Ebbottyń aıtýynsha, arnaıy qyzmetterge eldegi memlekettik qyzmetshilerge shabýyl jasalýy múmkin degen aqparat kelip túsken.
