Avstralııa óz azamattaryna shetelge erkin shyǵýǵa tyıym saldy

NUR-SULTAN. QazAqparat – Avstralııa turǵyndary shetelge tek bıliktiń ruqsatymen ǵana shyǵa alatyn boldy. Bul týraly Qazaqstanda Covid-19 taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

Avstralııa óz azamattaryna shetelge erkin shyǵýǵa tyıym saldy. Endi tek bıliktiń arnaıy ruqsatymen ǵana elden tys saparlaýǵa bolady. Sonymen qatar avstralııalyq Melbýrnda qatań karantın bir aptaǵa uzartyldy. Megapolıs turǵyndaryna sebepsiz úılerinen shyqpaýǵa nusqaý berildi.

Vashıngton bıligi jergilikti deńgeıdegi sheneýnikter úshin koronavırýsqa qarsy vaktsınalaýdan ótýdi mindetteýde. Sheneýnikter ımmýndaýdan 2021 jyldyń 19 qyrkúıegine deıin ótýi kerek. Vaktsınatsııalanbaǵan sheneýnikter aptasyna bir ret koronavırýsqa test tapsyrýǵa mindetti.

Frantsııa Úkimeti vırýsqa qarsy vaktsınatsııa jańa karantınniń aldyn alýǵa múmkindik berdi dep málimdedi. Bul rette eldegi sanıtarııalyq-epıdemııalyq jaǵdaı shıelenise túsýde, dep atap ótedi Úkimettiń resmı ókili. Bul turǵyda el Prezıdenti Emmanıýel Makron qarsy kórsetilimderi joq barlyq turǵyndy vırýsqa qarsy ekpe alýǵa shaqyrdy