Avstralııa ormandary órtke orandy
ASTANA. QazAqparat - Beısenbi kúni Avstralııanyń Jańa Ońtústik Ýels shtatynyń órt qyzmeti orman órtine baılanysty jedel eskertý jarııalady, dep habarlaıdy QazAqparat Euronews-ke silteme jasap.
Orman órti Sıdneıden soltústikke qaraı 200 shaqyrym jerdegi Stıvens portynyń mańynda, Solt Esh aýdanynda baqylaýdan shyqqan.
Keıbir turǵyndar ketip úlgermegen. Jergilikti órt sóndirý qyzmeti qorǵanatyn pana tabýdy suraǵan, sebebi órt jaqyndap keledi.
«ESKERTÝ - Richardson Road, Campvale. Eger Siz Salt Ash Ave, Hideaway Dr, Shady Ave, Nelson Bay Rd, Lemon Tree Passage Rd, Janet Pde and Marsh Rd aýdandarynda bolsańyz, evakýatsııaǵa ýaqyt qalmady. Órtten qorǵanatyn pana izdeýlerińizdi suraımyz, sebebi jalyn jaqyndap keledi», - delingen Jańa Ońtústik Ýels shtaty Órt sóndirý qyzmetiniń Týıtterdegi paraqshasynda.
Órt sóndirý qyzmeti turǵyndardyń múlikterin «ushaq-tsısterna» kómegimen qutqarýǵa tyrysyp jatyr. Bul týraly Órt sóndirý qyzmetiniń habarlamasynda aıtylǵan: «Hanter (Hunter) óńirindegi órt sóndirýshilerge búgin túste Gaia 737 ushaq tsısternasy jiberildi. Bul ushaq álemde alǵash ret órt sóndirý úshin qoldanylyp otyr. Onyń kómegi orasan».
