Avstralııa men Ulybrıtanııa óz azamattaryna Úndistanda lańkestik aktiler bolýy múmkin ekenin eskertedi
ASTANA. Sáýirdiń 22-si. QazAqparat - Avstralııa men Ulybrıtanııa óz azamattaryna Úndistanda oryn alýy múmkin lańkestik aktiler qaýpine baılanysty onda barýdan bas tarta turýǵa shaqyrdy. Bul týraly Frans-Press agenttigi habarlaıdy.
Avstralııanyń Nıý-Delıdegi resmı ókildigi barlyq avstralııalyqtarǵa múmkindiginshe osy qalanyń saýda jáne týrıstik aımaqtarynda bolýdy shekteýlerin eskertti. Nıý-Delıde «lańkestik qaýiptiń joǵary deńgeıdegi belgileri» baıqalatyny týraly Ulybrıtanııa dıplomatııalyq ókildigi de eskertedi.
Sáýirdiń 17-sinde AQSh bıligi de óz azamattaryna osyndaı eskertý jasaǵan bolatyn. Іle-shala amerıkalyqtarǵa Kanada da qosylyp, lańkester shabýyly «taıaý kúnderi nemese aptalarda saýda aımaqtarynda» bolýy múmkin dep málimdedi. AQSh bıligi eskertýleriniń aldyn ala aıtqan iske asý boljamy 2010 jylǵy sáýirdiń 30-ynda aıaqtalady.
Lańkestikke qarsy budan burynǵy eskertý 2010 jylǵy qańtardyń 29-yna deıin sozylǵan-dy, al aqpannyń 14-inde úndistandyq Pýna qalasyndaǵy kafelerdiń birinde jarylys boldy. Sol lańkestik akt saldarynan toǵyz adam qaza boldy, arasynda bir sheteldik, Taıvan azamaty da bar.
