Avstralııa men Qytaı erkin saýda jónindegi kelisimge qol qoıdy
ASTANA. QazAqparat - Avstralııa men Qytaı erkin saýda jónindegi kelisimge qol qoıdy. Kelisimshartqa avstralııalyq premer Tonı Ebbot pen QHR tóraǵasy Sı Tszınpın qol qoıdy, dep habarlady VVS.
Kanberra men Beıjiń arasyndaǵy kelissózder shamamen 10 jyl júrgizilgen.
Kelisim kólemi mıllıardtaǵan dollardy quraıtyn eki eldiń naryǵyn birtindep keńeıte túspek. Sondaı-aq, Avstralııadaǵy Qytaı ınvestıtsııalaryndaǵy shekteýler de jeńildetiledi. Baqylaýshylar atap ótkendeı, kelisimshart avstralııalyq aýyl sharýashylyǵy taýaryn óndirýshiler men qyzmet kórsetý salasyndaǵy kásipkerlerge paıdaly.
Osyǵan deıin avstralııalyq parlamentte sóz sóılegen Qytaı basshysy 2020 jylǵa qaraı Qytaıdyń ІJÓ kólemin eki esege arttyrý jáne zamanaýı sotsıalıstik memleket qurýdy josparlap otyrǵanyn aıtqan bolatyn.
