Avstralııa koronavırýs juqtyrǵandar sanynyń ósýine qaramastan karantındi jeńildetip jatyr

ANKARA. QazAqparat – Avstralııanyń Jańa Ońtústik Ýels shtatynda kúnine 1200 adamnyń koronavırýs ınfektsııasyn juqtyryp jatqanyna qaramastan elde karantındi jeńildetý týraly sheshim qabyldandy, dep habarlaıdy QazAqparat «Anadoly» agenttigine silteme jasap.

Eldiń densaýlyq saqtaý mınıstrliginiń málimetinshe, kóshede sportpen shuǵyldanýǵa qoıylǵan shekteý tolyqtaı alynady. Sonyń ishinde, vırýstyń taralý oshaǵyna aınalǵan Sıdneı de bar.

Vedomstvo Twitter-akkaýntynda sportpen aınalysýǵa beriletin ýaqyt bir saǵatpen shektelmeıdi. Alaıda, keshkilik ýaqytta komendanttyq saǵat jalǵasa beredi.

Jańa Ońtústik Ýels shtatynda turǵyndardyń 70%-y vaktsınanyń birinshi komponentin saldyrǵan, osyǵan baılanysty karantındi jeńildetý týraly sheshim qabyldandy.

Shtattyń premer-mınıstri Gledıs Beredjıklıannyń aıtýynsha, dalada sportpen shuǵyldaný aýrý juqtyrýǵa qatty yqpal etpeıtindikten shekteýdi alý týraly sheshim qabyldanǵan.

Sońǵy 24 saǵatta Jańa Ońtústik Ýels shtatynda 1288 adam koronavırýs juqtyrǵan. Shtatta barlyǵy 29202 adam aýrýǵa shaldyǵyp, 163-i kóz jumǵan.

Djons Hopkıns ýnıversıtetiniń málimetinshe, Aýstralııada barlyǵy 56 560 adam koronavırýs ınfektsııasyn juqtyrǵan. 1019 adam qaıtys boldy.

Aýstralııa úkimeti elde tótenshe jaǵdaıdy 17 jeltoqsanǵa deıin uzartý týraly sheshim qabyldady. Osy sheshimge baılanysty, memleket áýejaılarda maska taǵýǵa jáne KVI-ge test tapsyrýǵa mindettedi. Sondaı-aq, krýızdik laınerlerdiń el aýmaǵyna kirýine tyıym salyndy.