Avstralııa kópkúndigi: «Astana» veloshabandozy taýly klassıfıkatsııa kóshbasshysy
ASTANA. QazAqparat - Búgin Ońtústik Avstralııada «Santos Týr Daýn Ander» álemdik týrynyń kópkúndik jarysy bastaldy.
Birinshi kezeń Anlı jáne Lındok qalalarynyń arasymen ótip, 118,5 shaqyrymdy qurady, dep habarlaıdy QazAqparat.
Sportshylar úshin jarysty qıyndatqan aptap ystyq uıymdastyrýshylardy kezeń uzaqtyǵyn 20 shaqyrymǵa qysqartýǵa májbúr etti. Ystyqqa qaramastan, «Astana» komandasynyń veloshabandozy Laýrens De Vrız atalmysh kezeńde ózin jaqsy kórsete aldy. Ol qarsylastaryn úlken qashyqtyqqa artta qaldyryp, jarystaǵy kóshbasshylyqty uzaq ýaqyt saqtaı aldy.
Nátıjesinde, De Vrız kezeńniń eń belsendi veloshabandozy retinde júlde aldy. Onymen qosa, «Daýn Ander Týry» taýly klassıfıkatsııasy kóshbasshysynyń jeıdesin kıdi.
Birinshi kezeńniń jeńimpazy avstralııalyq Kaleb ıÝen boldy. «Astana» komandasynyń quramynan úzdik nátıjeni 22-inshi bolyp kelgen Mattı Breshel kórsetti.
Erteń avstralııalyq kópkúndiktiń ekinshi kezeńi ótedi. Ol Stırlıngten Parakombaǵa deıin 148,5 shaqyrymdy qamtıdy.
Derekkóz: Sport.kz
