Avstralııa chempıonatyndaǵy qazaqstandyq tennısshilerdiń qarsylastary belgili boldy
ASTANA. QazAqparat - 15-28 qańtar aralyǵynda ótetin Avstralııanyń ashyq chempıonatyna qatysatyn qazaqstandyq tennısshilerdiń qarsylastary belgili boldy, dep habarlaıdy «QazAqparat».
Áıelder arasynda Qazaqstannyń birinshi, álemniń 50-inshi raketkasy ıÝlııa Pýtıntseva alǵashqy aınalymda dúnıejúzilik reıtıngte 74-inshi orynda turǵan Ulybrıtanııa eliniń ókili Hıter Ýotsonmen kúsh synasady. Al álemniń 60-ynshy raketkasy Zarına Dııasqa myqtylaý qarsylas tústi. Ol birinshi aınalymda reıtıngte 37-inshi satyda turǵan rýmynııalyq Sorana Kyrstıamen sheberlik baıqasady. Bıyl 28-ge tolatyn Sorana - tájirıbeli sportshy. Kimniń kúshti ekendigin, árıne, kort kórsetedi, ol reıtıngke de qaramaıdy. Mysaly, osy Avstralııadaǵy Hobart týrnırinde S.Kyrstıa 8 qańtar kúni reıtıngte ózinen áldeqaıda tómen turǵan H.Ýotsonnan jeńilip qalǵan bolatyn. Al H.Ýotson osy jarystyń jartylaı fınalyna shyǵyp otyr.
Erler arasyndaǵy Avstralııa chempıonatynda Qazaqstannyń jalǵyz úmiti, álemniń 68-inshi raketkasy Mıhaıl Kýkýshkın birinshi básekesin álemdik reıtıngte ózinen úsh saty joǵary turǵan germanııalyq Peter Goevchıkpen ótkizedi.
Eske sala keteıik, taǵy bir qazaqstandyq tennısshi Aleksandr Býblık búgin irikteý jarysynda jeńilis taýyp, negizgi týrnırge óte almady.
