Avstralııa bıligi joǵalyp ketken malaızııalyq Boeing synyqtarynyń tabylǵany týraly habardy joqqa shyǵardy
ASTANA. QazAqparat - Avstralııa bıligi Ogasta eldi mekeni mańynan tabylǵan belgisiz zattardyń budan jeti apta buryn joǵalyp ketken malaızııalyq Boeing ushaǵynyń synyqtary bolýy múmkin degen habardy joqqa shyǵardy.
Bul týraly Avstralııanyń ABC radıo habarlaryn taratý korporatsııasyna bergen suhbatynda polıtsııa túsirgen fotosýretterdi zerdelegen Kóliktegi qaýipsizdik ulttyq bıýrosynyń basshysy Martın Dolan málim etti.
Sársenbi kúni Batys Avstralııa shtatynyń ońtústiginen tabylǵan zattar Kýala-Lýmpýr - Beıjiń baǵyty boıynsha reısti oryndaıtyn 7 naýryzda joǵalyp ketken Boeing 777-200 ushaǵynyky bolýy múmkin degen boljamdar paıda bolǵan edi.
Onyń bortynda 227 jolaýshy jáne 12 ekıpaj músheleri boldy. Ushaqpen baılanys Malaızııa astanasynan ushyp shyqqannan keıin shamamen eki saǵattan keıin úzildi. 24 naýryzda avıakompanııa ushaq bortynda bolǵandardyń bári de qazaǵa ushyraǵany týraly málimdeme taratty.
