Avstralııa ÁTK ushaǵy «Boıng» bólshekterin taba almady
ASTANA. QazAqparat - Avstralııa áskerı-teńiz kúshteriniń R-3 ushaǵy malaızııalyq áýe kompanııasyna tıesili laınerdiń bólshekteri bolýy múmkin aýmaqty súzip shyǵyp, eshteńe taba almady. Bul týraly eldiń Teńizde júzý qaýipsizdigi qyzmetiniń resmı ókili málim etti.
«Tuman men jaýynnyń áserinen jáne kóriný múmkinshiliginiń shektelýine baılanysty R-3 ekıpajy ushaq bólshekterin taba almady», - dedi ol. Esterińizge sala keteıik, Avstralııanyń Premer-mınıstri Tonı Ebbot eldiń jerserigi Malaysia Airlines áýe kompanııasynyń 8 naýryz kúni joǵalyp ketken ushaǵynyń qırandylary bolýy múmkin nysandardy tapqandyǵyn jarııa etken edi. Osydan keıin belgisiz zattar tabylǵan aýdanǵa Avstralııa ushaǵy, oǵan ile-shala AQSh pen Jańa Zelandııanyń da áýe kemeleri jóneltilgen-di. Avstralııa «Boıng» ushaǵyn ońtústik aýdanda, ıaǵnı Indonezııa jaǵalaýynan qurlyqtyń batysyna deıingi aralyqtaǵy izdeý jumystaryna basshylyq jasaýda. 239 jolaýshysy bolǵan ushaqty izdeý jumystaryna qazirgi ýaqytta 26 el jumylyp otyr.
