Avstralııa astanasyndaǵy qatty tútinnen mekemelerdiń jumysy toqtatyldy
NUR-SULTAN. QazAqparat –Avstralııa astanasy Kanberrada qalyń tútinnen Avstralııa federaldy úkimetiniń tótenshe jaǵdaılar departamentiniń jumysy toqtatyldy, dep habarlaıdy QazAqparat CNN-ge silteme jasap.
Dúısenbi kúni Kanberrala aýa sapasynyń ındeksi 340-qa teńeldi. Bul Beıjińdegi kórsetkishten (140) de asyp tústi.
«Avstralııada sońǵy onjyldyqtaǵy eń úlken órtten 24 adam qaza tapty. Úıler, jabaıy tabıǵat qyrylyp jatyr. Aspan qyzyl túske boıaldy», dep jazady basylym.
Qalada balalarǵa arnalǵan mekemeler de jumysyn toqtatty. Keıbir memlekettik organdar qyzmetkerlerine qaýipsiz jerden arnaıy oryndar bólgen.
Kanberranyń ulttyq galereıasy da jabyldy. Olar bul áreket qoǵamǵa, qyzmetkerler men óner týyndylaryna qorǵaý maqsatynda jasalǵanyn túsindirdi.
Avstralııada dúısenbi kúni jańbyr jaýyp, órt sóndirýshilerdiń jumysyn jeńildetti. Degenmen, bul órt sóndirýge aıtarlyqtaı áser ete almady.
