Avstralııa Antarktıkada aýyryp qalǵan zertteýshini qutqarý úshin muzjarǵysh keme jiberdi
ASTANA. QazAqparat - Avstralııa Antarktıkadaǵy Keısı stantsııasynda aýyryp qalǵan ǵalymdy evakýatsııalaý úshin muzjarǵysh keme jiberdi. Aýa raıynyń qolaısyzdyǵynan ushaq jiberý múmkin emes, ońtústik jarty sharda qys mezgili, dep habarlaıdy QazAqparat BBC-ge silteme jasap.
Avstralııalyq Antarktıka baǵdarlamasy (AAP) habarlaǵandaı, Nýıına muzjarǵysh kemesi ótken aptada Tasmanııanyń ońtústigindegi Hobart portynan shyqty.
Qutqarý ekspedıtsııasyna daıyndyq, sonyń ishinde muzjarǵyshty tikushaqtarmen jabdyqtaý birneshe aptaǵa sozylǵan.
Hobarttan Keısı stantsııasyna deıin – 3443 shaqyrym. Muzjarǵyshtyń maksımaldy jyldamdyǵy 18 torap nemese shamamen 32 km/saǵ. ıAǵnı, shamamen bes kúnde mejeli jerge jetedi.
Antarktıkalyq ekspedıtsııanyń naýqas múshesi mamandardyń kómegine muqtaj ekenin málimdegen, biraq onyń naqty neden aýyrǵany naqtylanbady.
Qysta Keısı stantsııasynda 20-ǵa jýyq zertteýshi turyp, jumys isteıdi
Keısı stantsııasynyń janynda aerodrom bar, ushý-qoný jolaǵy muz ústine salynǵan, qysta paıdalaný qıyn. Avstralııalyq baspasózdiń habarlaýynsha, muzjarǵyshqa qaraǵanda ony jumys jaǵdaıyna keltirý áldeqaıda kóp ýaqytty qajet etedi.
Antarktıdaǵa jiberilmes buryn avstralııalyq ekspedıtsııalardyń barlyq múshesi muqııat medıtsınalyq tekserýden ótedi.
Ǵalamshardaǵy eń qolaısyz kontınentten evakýatsııalaý qıyn, qymbat, tipti qaýipti operatsııa bolýy múmkin.
Aıta keteıik, 2020 jyldyń jeltoqsanynda Amerıka Qurama Shtattary men Qytaı Avstralııaǵa antarktıkalyq ekspedıtsııanyń múshesin evakýatsııalaýǵa kómektesken, al Avstralııanyń ózi sol jyly Mak-Merdo stantsııasynan naýqas amerıkandyq ǵalymdy shyǵarý úshin Airbus A319 ushaǵyn jibergen.
