Avıajolaýshylardyń karantınge jatqyzylýy: Densaýlyq mınıstri talapty túsindirdi
«Sońǵy kezde koronavırýs ınfektsııasymen kúres baǵytynda aınalystyq. Sáıkesinshe jaǵdaı turaqtanyp, kórsetkishter aıtarlyqtaı ońtaıly boldy. Alaıda, Eýropada jáne basqa elderde indet juqtyrý jaǵdaıy ósip kele jatqanyn kórip otyrmyz», - dedi mınıstr Ortalyq kommýnıkatsııalar qyzmetinde.
Sonymen qatar ol TMD elderimen salystyrǵanda Qazaqstanda bul kórsetkish tómen ekenin jetkizdi.
«Biz basqa elder shekteý sharalaryn qalaı engizip jatqanyn baıqap otyrmyz. Bizdiń azamattar shetelge barǵanda, bul elderde jolaýshylar PTR-analızin suraıtynyn eskerip otyrmyz. Sondyqtan biz bul sharalardy nege engizýdemiz? Atap aıtqanda, bul – Qazaqstanǵa koronavırýs ınfektsııasyn kirgizbeý maqsatynda jasalyp otyr. Áýe kóligimen kelgen boıda eki kúndik karantındik statsıonarǵa jatqyzylmaý múmkindigi de bar ekenin túsiný kerek. Ol úshin ushaqqa otyrar aldynda koronavırýsqa qatysty zertteýden ótýińiz kerek. Qolyńyzda tıisti anyqtama bolsa, Qazaqstanǵa eshbir kedergisiz saparlaı alasyz. Bul anyqtama merzimi úsh kúnnen aspaýy kerek. Eger bul tekserýden ótý múmkin bolmasa, onda Qazaqstan azamattary úshin aqysyz túrde PTR-testileý usynylady. ıAǵnı elimizdiń karantındik statsınarlarynda bolady. Test nátıjesin alǵannan keıin, azamattar úılerine jiberiledi», - dedi Alekseı Tsoı.
Budan buryn habarlanǵandaı, Kóliktegi memlekettik bas sanıtarlyq dáriger Sádýaqas Baıǵabylov 2-sanattaǵy elderden Qazaqstanǵa halyqaralyq áýe reısterimen keletin qazaqstandyqtar men sheteldikter úshin COVID-19 boıynsha jańa talaptardy engizýge qatysty túsinik berdi.
Osy oraıda shetel azamattarynda memlekettik shekaradan ótý kezinde úsh kúnnen aspaıtyn merzimdegi COVID-19-ǵa teris nátıje týraly anyqtama bolýy kerek. Bul talap eskerilmese, olar saparlaıtyn áýejaıdan ushaq bortyna qabyldanbaıdy. Al Qazaqstan azamattarynda anyqtama bolmasa, onda olar kelgen boıda borttan PTR-analız tapsyrý úshin eki kúndik karantınge statsıonarǵa ornalastyrylady.