Avıatsııa salasyna yqpal etetin syrtqy faktorlar kóbeıdi
ASTANA. KAZINFORM — Taıaý Shyǵystaǵy jaǵdaı da áýe kompanııalaryna keri áser etti. Bul týraly BIZDIÑ ORTA podkastynda «Nursultan Nazarbaev halyqaralyq áýejaıy» AQ Basqarma tóraǵasy Beken Seıdahmetov málim etti.
- Tranzıt baǵytyna toqtalsaq, Reseı áýejaılarynyń múmkindigi shektelgennen keıin, Túrkııanyń Ystanbuly arqyly ushatyndar kóbeıdi. Túrkııa álemniń kez kelgen eline áýe saparyn qamtamasyz etip otyr, ıaǵnı tranzıt múmkindigin kúsheıtti, - dedi Beken Seıdahmetov.
Onyń aıtýynsha, qazirgi kezde avıatsııa salasyna yqpal etetin syrtqy faktorlar kóbeıdi.
- Máselen, janartaý atqylaǵan kezde reıster shekteledi. Sonymen qatar qazir Reseı men Ýkraına arasyndaǵy máselege baılanysty ushaqtar sol aýmaqty aınalyp ótedi. Bul rette áýe kompanııalarynyń qosymsha shyǵyndary, ıaǵnı janarmaı shyǵyny artty. Taıaý Shyǵystaǵy jaǵdaı da áýe kompanııalaryna keri áser etti. Dýbaıǵa, Qatarǵa, Iranǵa baǵyttalǵan reıster toqtap qaldy, - dedi basqarma tóraǵasy.
Sonymen qatar ol qazir álemde áýe kóligine arnalǵan janarmaı máselesi qıyndap bara jatqanyn aıtty.
- Sondyqtan álemde bılet qunynyń ósýine janarmaı baǵasynyń yqpaly zor. Munymen qosa, keıbir elderdegi qaqtyǵys saldarynan ushaq dálizderi ózgerip, ushý ýaqyty da artty. Reseı men Ýkraına máselesi tezirek sheshilse, Astana áýejaıy arqyly Eýropaǵa shyǵatyn jol qysqarady, - dedi B. Seıdahmetov.
Eske salsaq, Astanada jańa áýejaıdyń qurylysy kelesi jyly bastalady.
