Avıatorlardyń biliktiligin arttyrý maqsatynda oqý-jattyǵý ótti
ASTANA. QazAqparat - Búgin Astana mańyndaǵy avıatsııalyq bólimde oqý-jattyǵý ushýlary bolyp ótti. Jaýyngerlik daıarlyq kýrsyna sáıkes, avıatorlar eń tómengi bıiktiktegi kúrdeli ushýlardy júzege asyryp, tikushaqty áýeden ózderi tańdaǵan núktege dál qondyrdy, dep habarlaıdy QR QM baspasóz qyzmeti.
Bul rette, maıor Marat Baıǵalıev pen kapıtan Darhan Kópbaev basqaratyn «ES-145 Eýrokopter» ekıpajy úzdik nátıjeler kórsetti.
Oqý-jattyǵý ushýlary kezinde ekıpajdar ushý saǵattaryn arttyrý boıynsha óz mashyqtaryn jetildirip, ári qaraı ekıpaj komandıri dárejesine kóterilý úshin alǵashqy qadamdar jasady.
Ushý ekıpajy men ınjenerlik-tehnıkalyq quram shetelde teorııalyq jáne praktıkalyq daıarlyqtan tolyǵymen ótkendigin atap ótý qajet. Búgingi tańda osy tıptegi tikushaqtarda júzege asyrylatyn barlyq ushýlardy, sondaı-aq olarǵa tehnıkalyq qyzmet kórsetýdi avıatsııalyq bólimniń jeke quramy júrgizedi.
«ES-145 Evrokopter» tikushaǵy «Evrokopter Kazahstan ınjınırıng» kásipornynda qurastyrylady. Ol TMD men Ortalyq Azııa aýmaǵynda osy tektes jalǵyz zaýyt bolyp tabylady. Bul kásiporyndy ashý - qazaqstandyq tikushaq salasyn damytýdyń jańa satysy.
