Avıareısterdiń kidirisin boldyrmaý jóninde pármendi sharalar qabyldaý tapsyryldy - KKM
ASTANA. 29 maýsym. QazAqparat. 29 maýsymda Qazaqstan Respýblıkasy Kólik jáne kommýnıkatsııa mınıstri Berik Kamalıev ushýlardyń júıeliligin qamtamasyz etý maqsatynda «Eır Astana» AQ, «Halyqaralyq Astana áýejaıy» AQ jáne «Halyqaralyq Almaty áýejaıy» AQ ózara is-qımyldaryn úılestirý máselesi jóninde osy kásiporyndardyń birinshi basshylarynyń qatysýymen jınalys ótkizdi,
dep habarlaıdy vedomstvonyń baspasóz qyzmeti.
Jınalysty asha otyryp, kólik vedomstvosynyń basshysy jolaýshylardyń sońǵy kúnderi reısterdiń kidirýine baılanysty narazylyqtaryn eske saldy.
Mınıstr B.Kamalıev basshylardyń dáleldemeleri men usynystaryn tyńdaı kele, azamattyq avıatsııa komıtetine qysqa merzim ishinde taıaýda jolaýshylardy tirkeý jónindegi avtomattandyrylǵan júıesiniń toqtap qalýyna baılanysty jumystyń kidirýine ákelgen jaıtpen aınalysýdy, ushýlardyń júıeliligin arttyrý jónindegi is-sharalar josparyn tolyq iske asyrý maqsatynda «Eır Astana» AQ jáne atalǵan áýejaılar arasyndaǵy is-qımyldardyń úılesimdiligin qamtamasyz etýde qosymsha pármendi sharalar qoldanýdy tapsyrdy.
