Avıareısterdiń keshigýin boldyrmaý jóninde is-sharalar belgilendi - KKM
ASTANA. 9 maýsym. QazAqparat - Keshe, 8 maýsymda QR Kólik jáne kommýnıkatsııa mınıstri Berik Kamalıev «Astana halyqaralyq áýejaıy» AQ, «Almaty halyqaralyq áýejaıy» AQ, «Eır Astana» AQ jáne «Skat» avıakompanııasy» AQ,
Astana qalasy boıynsha avıatsııalyq prokýratýra basshylarynyń qatysýymen Qazaqstandaǵy áýe kemeleriniń ushý turaqtylyǵyn qamtamasyz etý máseleleri jóninde keńes ótkizdi.
Kólik jáne kommýnıkatsııa mınıstrliginiń baspasóz qyzmetinen habarlaǵandaı, vedomstvo basshysy Berik Kamalıev ústimizdegi jylǵy 3 maýsymda Qazaqstan Respýblıkasy Prezıdenti Nursultan Nazarbaev mınıstrlikke «Eır Astana» avıakompanııasynyń avıareısterdi keshiktirý sebepterin anyqtaý jóninde tapsyrma bergenin eske saldy. Osyǵan baılanysty mınıstr Astana qalasynyń áýejaıynda bir jarym myńnan astam reıs keshiktirilip jasalǵandyǵyn, onda da olardyń basym kópshiligi «Eır Astana» avıakompanııasy tarapynan bolǵandyǵyn atap ótti. Keshiktirilýdiń basty sebepteri áýe kemeleriniń kesheýildep kelýinde bolyp otyr, bunyń ózi rezervtik áýe kemeleriniń bolmaýy men aýa raıynyń qolaısyzdyǵynyń saldary.
Atalǵan eskertýlerdi joıý maqsatynda mınıstrlik ushý turaqtylyǵyn joǵarylatý jóninde is-sharalar josparyn ázirledi. Reıster keshikken jaǵdaılarda jolaýshylar aldyndaǵy mindetterin oryndamaǵan avıakompanııalardyń laýazymdy tulǵalaryn ákimshilik jaýapkershilikke tartý máselesi pysyqtaldy. Budan bylaı avıakompanııalardyń ushý turaqtylyǵy boıynsha reıtıng jasalyp, onyń nátıjeleri avıamarshrýttardy bólý jónindegi konkýrsty ótkizgende eskeriletin bolady. Munyń syrtynda qolaısyz meteorologııalyq jaǵdaıda ushýǵa qabiletti áýe kemeleriniń komandırler mınımýmyn anyqtaýdyń eýropalyq ádistemesin engizý qarastyrylǵan Ushýdy uıymdastyrý erejesiniń jańa jobasy ázirlendi. Budan tys, qysqy mezgilde áýe kemeleriniń muzdaqtalýyna qarsy óńdeý úshin reısterge qyzmet kórsetý tehnologııasyna ózgerister engizý usynyldy.
Keńes nátıjeleri boıynsha mınıstr B.Kamalıev azamattyq avıatsııa komıtetine Ushý turaqtylyǵyn joǵarylatý jónindegi is-sharalar josparynyń oryndalýyn aıryqsha baqylaýǵa alýdy jáne olardy oryndamaǵan azamattyq avıatsııa uıymdarynyń laýazymdy tulǵalaryna belgilengen tártippen qatań sharalar qoldanýdy tapsyrdy. Munyń syrtynda komıtetke taıaý ýaqytta Astana men Almaty qalalaryndaǵy áýejaılaryna qatysty vedomstvolyq qyzmetterdiń ókilderiniń qatysýymen jınalys ótkizý, onyń syrtynda áýejaılar men avıakompanııalardyń basshylarynyń qatysýymen jeke jınalys ótkizý tapsyryldy. Sonymen qatar, komıtetke Astana men Almaty qalalaryndaǵy áýejaılaryndaǵy reısterdiń keshigýine monıtorıng jasap otyratyn shtabtardyń jumystaryn jandandyrý tapsyryldy. «Eır Astana» jáne «Skat» avıakompanııalaryna reısterdiń keshigý jaǵdaıynda jolaýshylar múddelerin qorǵaýǵa arnalǵan zańnamamen bekitilgen is-sharalardy júrgizýdi qamtamasyz etýge, rezervtik áýe kemelerin ustaýdy eskerip otyrý, sondaı-aq jolaýshylarǵa ýaqytyly aqparat berip otyrý jumysyn jaqsartý, tirkeý oryndarynda jolaýshylardyń shamadan tys jınalyp qalýynyń aldyn alý maqsatynda tirkeý agentteriniń sanyn kóbeıtý tapsyryldy. Sonymen birge, Astana jáne Almaty áýejaılaryna anyqtama qyzmetteriniń jumys sapasyn jetildirý jáne jolaýshylardy tirkeý tehnologııasyn múltiksiz oryndaý sharalaryn júzege asyrý tapsyryldy.
