Avıareısterdiń kesheýildeýin boldyrmaý sharalary qoldanylýda-KKM
ASTANA. 1 shilde. QazAqparat. QR Kólik jáne kommýnıkatsııa mınıstri Berik Kamalıevtiń tapsyrmasy boıynsha Almaty qalasynyń áýejaıynda kólik jáne kommýnıkatsııa vıtse-mınıstri Azat Bekturovtyń tóraǵalyǵymen «Eır Astana» avıakompanııasy jáne Almaty halyqaralyq áýejaıynyń basshylarynyń qatysýymen jınalys ótkizildi,
dep habarlaıdy mınıstrliktiń baspasóz qyzmeti. Atap aıtsaq, jınalysta jolaýshylardy tirkeýdiń avtomattandyrylǵan júıesiniń istemeı qalýynan ú.j. 27-28 maýsymdaǵy toqyraý jaǵdaıynyń qaıtalanýyn boldyrmaý máseleleri talqylandy. Jınalysqa qatysqan SITA kompanııasy ókiliniń aqparaty boıynsha tirkeý júıesiniń istemeı qalýyna «Eır Astana» AQ reısteriniń kesheýildeýine alyp kelgen 2011 jylǵy 27-28 maýsymdaǵy toqyraý jaǵdaıy AMADEÝS júıesi konfıgýratsııasy faılynyń buzylýyna baılanysty bolǵan. Onda da, onyń aqparaty boıynsha, bolǵan jaǵdaıda áýejaıdyń da, avıakompanııanyń da kinási joq.
Jınalysta Almaty qalasy áýejaıyndaǵy SITA-nyń ókiline ú.j. 1 qyrkúıekke deıin tirkeý júıesinde toqyraýdy boldyrmaý úshin atalǵan áýejaıda tirkeý júıesiniń jańa nobaıyn ornatý qajettigi kelisildi.
Munyń syrtynda, jınalysta «Eır Astana» avıakompanııasyna áýe kemeleriniń ekıpaj músheleriniń kýálikterin zańnamanyń talaptaryna sáıkestendirý, al Almaty áýejaıyna reısterdiń kesheýildeýin boldyrmaý úshin avıakompanııanyń ekıpajdarynyń ótýine bóget jasamaý tapsyryldy.
Jınalystyń qorytyndysynda «Eır Astana» AQ men «Halyqaralyq Almaty áýejaıy» kompanııalarynyń basshylary deńgeıinde sheshimin tappaǵan barlyq máselelerdi retteý jóninde apta saıyn kezdesýler ótkizip otyrý jáne KKM azamattyq avıatsııa komıtetine aqparat berip otyrý jóninde sheshim qabyldandy. Budan tys, azamattyq avıatsııa komıtetiniń ókiline atalmysh májilisterge olarda talqylanatyn máselelerdiń mańyzdylyǵyna qaraı qatysyp otyrý tapsyryldy.
