Avıaotynǵa qatysty myqty ınfraqurylym qalyptastyrýymyz qajet — Toqaev
ASTANA. KAZINFORM — Transkaspıı halyqaralyq kólik baǵytyn damytý máselesine basa mán berilip otyr. Bul týraly Parlament palatalarynyń birlesken otyrysynda Memleket basshysy Qasym-Jomart Toqaev málim etti.
— Biz aımaqtaǵy munaı-gaz óndiretin jetekshi memleket retinde avıaotynǵa qatysty máselelerdi tolyq sheshýge múmkindik beretin myqty ınfraqurylym qalyptastyrýymyz qajet. Bul — asa mańyzdy jáne shuǵyl mindet, — dedi Qasym-Jomart Toqaev.
Sonymen qatar Prezıdent men jaqynda Brıýsselge jumys saparymen baryp, Eýropalyq Odaqtyń basshylarymen kelissózder júrgizgenin eske saldy.
— Transkaspıı halyqaralyq kólik baǵytyn damytý máselesine basa mán berildi. Orta dáliz arqyly tasymaldanatyn júk kólemi keıingi alty jylda bes ese ulǵaıyp, bir jylda 4 mıllıon tonnadan asty. Bul, negizinen, teńiz tasymalyn damytý jáne port ınfraqurylymyn jańǵyrtýdyń arqasynda múmkin boldy, — dedi Memleekt basshysy.
Buǵan deıin habarlanǵandaı, búgin elordada Parlament palatalarynyń birlesken otyrysynda Prezıdent Qasym-Jomart Toqaev Quryltaıdyń aldynda qandaı mindet turǵanyn atady.
