Avıaotyn baǵasy tómendeıdi, joly qandaı – Kólik mınıstri túsindirdi

ASTANA. KAZINFORM – Kólik mınıstri Nurlan Saýranbaev qandaı sharalar esebinen avıaotyn qunyn tómendetý josparlanyp otyrǵanyn aıtty.

- Prezıdent synynan keıin vedomstvo birden otyn qunyn tómendetý tetikterin tapty. Negizgi róldi «QazMunaıgaz-Aero » kompanııasy atqarady. Ol otyndy iri kóterme partııamen satyp alý múmkindigine ıe boldy. 200-300 tonnadan satyp alyp, birshama joǵary baǵada tólem jasaıtyn jekelegen áýejaılarǵa qaraǵanda kóterme satyp alý ózindik qunyn birshama tómendetýge múmkindik beredi, - dedi ol búgin Májilistiń jalpy otyrysynan keıingi brıfıngide.

Sonymen qatar mınıstr avıaotyn qunyn tómendetýge múmkindik beretin ózge de sharalarǵa toqtaldy.

- Ekinshi – memleket ımportty QQS-ten bosatty. Úshinshi – áýejaılar árbir ushaqtan janar-jaǵarmaı quıǵany úshin 200-den 300 dollarǵa deıin roıaltı alatyn. Búginde olar roıaltı men ınfraqurylymdyq alym almaıdy. Sońǵy ýaqytta naryqta baǵa qatty qubyldy. ıAǵnı, Qazaqstanmen shekarada baǵa 960 dollar bolatyn. Qazir «QMG-Aero » satyp alǵan eń joǵary baǵa - 715 dollar. Sondyqtan da osy resýrstardyń esebinen jalpy tómendeý bolyp jatyr, - dedi Nurlan Saýranbaev.

Aıta keteıik, keshe Ulttyq quryltaıda Memleket basshysy avıaotyn baǵasy kórshi elderdegi áýejaılarmen salystyrǵanda tym qymbat ári básekege qabiletsiz ekenin aıtqan edi.