Avıakompanııanyń bankrotqa ushyraýy saldarynan Túrkııada qalyp qoıǵan qazaqstandyqtardyń jaǵdaıy jóninde shuǵyl jeli telefondary arqyly bilýge bolady
ASTANA. 6 maýsym. QazAqparat - Búgin vıtse-premer - QR IJTM basshysy Áset Isekeshevtiń tóraǵalyq etýimen QR Tótenshe jaǵdaılar mınıstri Vladımır Bojkonyń, Syrtqy ister birinshi vıtse-mınıstri Rápil Joshybaevtyń jáne basqa da múddeli memlekettik organdar ókilderiniń qatysýymen shuǵyl otyrys ótti, dep habarlaıdy IJTM Týrızm ındýstrııasy komıtetiniń baspasóz qyzmeti.
Otyrysta «Sky Airlines» Túrkııa avıakompanııasynyń bankrotqa ushyraýy sebebinen Antalııa qalasynda qazaqstandyq týrıstermen qalyptasqan jaǵdaı týraly másele qarastyryldy.
Ushýdy 4 jáne 5 maýsymǵa josparlaǵan týrıster, sondaı-aq, ushýdy 6 maýsymǵa josparlaǵan týrısterdiń bir bóligi Qazaqstanǵa qaıtaryldy.
Qazirgi tańda QR Úkimeti Túrkııada qalǵan basqa azamattardy qaıtarý máselelerin sheshýde. Ázirge Túrkııa Respýblıkasynyń aýmaǵynda 1018 adam qalyp otyr.
Antalııa qalasyndaǵy QR konsýldyǵy janynda, QR SІM jáne QR IJTM Týrızm ındýstrııasy komıtetinde qalyptasqan jaǵdaı jóninde qyzyqtyratyn aqparatty alýǵa bolatyn shuǵyl jeliler jumys isteıtinin habarlaımyz.
Shuǵyl jeliler:
Antalııa q. QR konsýldyǵy: + 90 534 0599577
QR SІM: + 7 7172 72 04 88
QR IJTM Týrızm ındýstrııasy komıteti:
+7 7172 749848
+ 7 7172 749163
+ 7 7172 749836.
