Avıakompanııa Qyzylorda oblysynda bolǵan áýe oqıǵasyn jasyryp qalǵan
NUR-SULTAN. QazAqparat - QR Indýstrııa jáne ınfraqurylymdyq damý mınıstrligi Azamattyq avıatsııa komıteti áýede jumystardy oryndaý úshin «Delta Ońtústik» Avıakompanııasy» JShS-ǵa berilgen kýáliktiń qoldanysyn ýaqytsha toqtatty, dep habarlaıdy QazAqparat vedomstvonyń baspasóz qyzmetine silteme jasap.
«Avıatsııalyq apatty jasyrǵany úshin mán-jaı anyqtalyp, tekserý ótkizilgenge deıin Azamattyq avıatsııa komıteti «Delta Ońtústik» Avıakompanııasy» JShS-ǵa 2017 jyldyń 3 naýryzy kúni avıatsııalyq jumystardy oryndaý úshin berilgen № KAZ-02/039 kýáliginiń qoldanysyn ýaqytsha toqtatty», - delingen málimette.
Onymen qosa, An-2 ushaǵyn basqarǵan komandır A.T.Abdýálıev pen ekinshi pılot A.D.Eleýsizov ushýlardy oryndaýdan shettetildi.
«Belgili bolǵandaı, 2019 jyldyń 2 shildesi kúni «Delta Ońtústik» Avıakompanııasy» JShS-ǵa tıesili UP-A0199 tirkeý nómiri bar An-2 ushaǵy Qyzylorda oblysynyń Shaǵan aýylynda avıatsııalyq-hımııalyq jumystardy oryndaǵan. Qoný kezinde ushaqtyń aldyńǵy bóligine qaraı aýdarylýyna jol bergen. Adamdar jáne ushaq zardap shekken joq», - dedi vedomstvodan.
