«Avıadarts - 2016» saıysynda qola júldelerge ıe bolǵan ushqyshtar elge oraldy
Elge ushar aldynda Rıazandaǵy Dıagelevo áýeaılaǵynda «Avıadarts - 2016» halyqaralyq baıqaýynyń jabylý rásimi ótti. Bul baıqaýda Mı-171Sh tikushaǵyndaǵy armııalyq avıatsııa men Sý-27 ushaǵyndaǵy joıǵysh avıatsııanyń ushqyshtary qola júldeger atandy.
Budan buryn habarlanǵandaı, sońǵy týrda qazaqstandyq tikushaqshylar úshinshi orynǵa ıe boldy. Konkýrstyń atalmysh túrinde 5 komanda óner kórsetti. Úsh reseılik, bir belorýs jáne bizdiń komanda.
Qazaqstandyq ushqyshtar burandamaly qanatty mashınalarda eki asa tájirıbeli reseılik komandadan basyp ozdy. Biraq, málim bolǵandaı, sol kúni tikushaqshylarǵa ǵana sáttilik serik bolǵan joq. Nysanalardy joıý, beınejazba, dáıekti baqylaý málimetteri nátıjeleriniń taldaýy jáne tóreshiler alqasynyń sheshimimen joıǵysh avıatsııasynyń Sý-27 ushaǵynda Qazaqstannyń komandasyna júldeli úshinshi oryn berildi.
Bizdiń jup - kapıtan Ádilbek Ysqaqov pen Rýslan Maqadıev joıǵysh avıatsııanyń bes komandasy arasynda da júldeli úshinshi oryndy enshiledi. Komandamyz qyzý tartysta Sý-35 jáne Sý-30SM sııaqty Reseı Federatsııasynyń anaǵurlym zamanaýı joıǵyshtarynyń ekıpajdarymen baq synasqanyn aıta ketý qajet.
Halyqaralyq baıqaý jeńimpazdary men júldegerlerin marapattaý barysynda qazaqstandyq ushqyshtar Qazaqstan Respýblıkasy Qarýly Kúshteri Áýe qorǵanysy kúshteriniń bas qolbasshysy avıatsııa general-leıtenanty Nurlan Ormanbetovtiń qolynan kýboktar men medaldar aldy.
Baıqaý uıymdastyrýshylarynan 2 skýter tabystaldy. Ózderiniń áýeaılaqtarynda olardy komandırleri, qyzmettesteri men otbasylary kútip aldy. Ushý ekıpajdarynyń «Avıadarts - 2016» halyqaralyq baıqaýy 2016 jylǵy shildeniń 31-i men tamyzdyń 9-y aralyǵynda Reseı Federatsııasynyń aýmaǵynda ótkenin esterińizge sala keteıik. Eki qazaqstandyq komanda qola júldelerge ıe bolyp, «ArMI-2016» Armııa halyqaralyq oıyndary sheńberinde Qazaqstan quramasynyń ortaq qorjynyna súbeli úles qosty.
