Avıatsııalyq tehnıka parki tolyqtyryldy - QR Qorǵanys mınıstrligi

ASTANA. 27 qarasha. QazAqparat - QR Áýe qorǵanysy kúshteriniń áskerı kólik avıatsııasynyń parki  «Antonov - An-72» júk reaktıvti ushaqtarymen tolyqtyryldy.  Bul týraly QR Qorǵanys mınıstrliginiń baspasóz qyzmeti habarlap otyr.

Qanatty kólik Reseı Federatsııasy Taganrog qalasy «325 avıatsııalyq jóndeý zaýyty» AAQ-da kúrdeli jóndeý men qaıta jabdyqtaýdan ótip, jeksenbide qazaqstandyq armııa bazasyna jetkizildi.

Ushaqtyń planeri men eki qozǵaltqyshy kúrdeli jóndeýden ótkizilip, buzylǵan agregattary aýystyryldy. Ushaqtardyń qaqtyǵysyp qalmaýyn, jerdiń jaqyndyǵyn erte eskertý júıeleri, sondaı-aq spýtnıktik navıgatsııa ornatyldy. Sonymen qatar, radıoelektrondy jáne qoný júıesi jabdyqtary ornalastyryldy. Ushaq tolyq jóndeýden ótip, jer betinde qyzmet etýge arnalǵan quraldar jıyntyǵymen kelip qondy.

An-72 ushaǵy ushyp-qoný jolaǵymen arnaıy taktıkalyq mindetterdi atqarýǵa arnalǵan. Ushaqtyń syrtyna qaraı umsyna ornalasqan qozǵaltqysh bógde zattardyń kelip soǵylmaýyna septigin tıgizedi ári onyń yńǵaıly ushyp-qonýyna yqpal etedi.

An-72-niń qurylysy, T árpine uqsas taıanyshy bar tutas metalldan jasalǵan bıikteý ornalasqan qanaty bar monoplan bolyp tabylady. Planerdiń jáne onyń búkil júıesi aýa raıynyń kez kelgen qolaısyzdyǵyna tózimdi bolyp jasalǵan.

Ushaq QR QK qurylymdarynyń jınaqylyǵyn arttyrýǵa yqpal etedi. Jeti tonna júkti, jyljıtyn jáne jyljymaıtyn tehnıkamen qosa tolyq áskerı kıim kıgen 68 sarbaz ben 57 parashıýtpen sekirýshini germetıkalyq salonda tasymaldaı alady.