Avıatsııalyq qaýipsizdik salasynda keıbir normatıvtik quqyqtyq aktiler ózgerdi
«Túzetýler avıatsııadaǵy kıberqaýipsizdik boıynsha personal daıarlaý, azamattyq avıatsııany zańsyz aralasý aktilerinen qorǵaý máseleleri boıynsha avıatsııalyq qaýipsizdik qyzmetiniń basshy quramy úshin qosymsha daıyndyq sabaǵy, qashyqtan emtıhan ótkizýge múmkindik berý, azamattyq avıatsııa uıymy qyzmetiniń tıpteri men sanattary boıynsha tekserý paraqtaryn bólýdi jáne t. b. Qamtıdy», delingen habarlamada.
Qazirgi ýaqytta avıatsııalyq qaýipsizdik boıynsha daıarlaý men qaıta daıarlaýdyń jańartylǵan baǵdarlamasy jáne avıatsııalyq qaýipsizdik boıynsha ınspektsııalyq tekserýdiń úlgilik baǵdarlamasy (tekserý paraqtary) «Qazaqstannyń avıatsııalyq ákimshiligi» AQ ınternet portalynyń avıatsııalyq qaýipsizdik bóliminde jáne «Ádilet» zań bazasynda qol jetimdi.
Halyq arasynda avıatsııalyq qaýipsizdik týraly aqparattandyrýdy arttyrý jáne avıatsııalyq qaýipsizdik mádenıetin nyǵaıtý maqsatynda ICAO keńesi 2021 jyldy «avıatsııalyq qaýipsizdik mádenıeti jyly» dep jarııalaý týraly sheshim qabyldady. Mundaı mańyzdy máselege nazar aýdarylýy 2021 jyly AQSh-ta 2001 jyldyń 11 qyrkúıeginde bolǵan qaıǵyly oqıǵanyń 20 jyldyǵy yqpal etti.
Osyǵan baılanysty azamattyq avıatsııa úshin qaýip-qaterdiń mańyzdylyǵyn árdaıym este saqtaý jáne túsiný, sondaı-aq retteýshi normatıvtik quqyqtyq aktilerde jańa erejelerdi ázirleý jáne qabyldaý arqyly avıatsııalyq qaýipsizdikti qamtamasyz etýdiń ozyq ádisterin turaqty negizde ilgeriletý óte mańyzdy. Avıatsııalyq qaýipsizdik salasyndaǵy tıisti normatıvtik-quqyqtyq aktilerdi shyǵarýy jáne olardy azamattyq avıatsııa sýbektileriniń is júzinde qoldanýy avıatsııalyq qaýipsizdik mádenıeti týraly aqparatty taratý salasyndaǵy strategııalardy, josparlar men sharalardy júzege asyrýǵa qoıylatyn negizgi ICAO talabynyń biri.
Osyǵan baılanysty jáne «Qazaqstan avıatsııa ákimshiligi» AQ-nyń normatıvtik quqyqtyq aktilerdi iske asyrý jónindegi is-sharalar josparyna sáıkes IIDM Azamattyq avıatsııa komıtetimen birlesip, avıatsııalyq qaýipsizdik boıynsha daıarlaý jáne qaıta daıarlaý ulttyq baǵdarlamasyna jáne avıatsııalyq qaýipsizdik boıynsha ınspektsııalyq tekserýdiń úlgilik baǵdarlamasyna (tekserý paraqtary) eleýli ózgerister men tolyqtyrýlar engizildi.
Atalǵan normatıvtik quqyqtyq aktiler Indýstrııa jáne ınfraqurylymdyq damý mınıstriniń tóraǵalyǵymen salalyq sarapshylardyń qatysýymen ótken Indýstrııa máseleler jónindegi keńestiń kezekti otyrysynda jan-jaqty qaralyp, bekitildi.
