Avıatsııalyq qaýipsizdik qyzmeti týraly úlgilik ereje bekitildi

Qazaqstan Respýblıkasy Investıtsııalar jáne damý mınıstrliginiń buıryǵy №321

2015 jylǵy 26 naýryz, Astana qalasy

Avıatsııalyq qaýipsizdik qyzmeti týraly úlgilik erejeni bekitý týraly

«Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» Qazaqstan Respýblıka­synyń 2010 jylǵy 15 shildedegi Zańynyń 14-baby 1-tarmaǵynyń 41-51) tarmaqshasyna sáıkes buıyramyn:

1. Qosa berilip otyrǵan Avıatsııalyq qaýipsizdik qyzmeti týraly úlgilik ereje bekitilsin.

2. Qazaqstan Respýblıkasy Investıtsııalar jáne damý mınıstrliginiń Azamattyq avıatsııa komıteti (B.K.Seıdahmetov):

1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin;

2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin, kúntizbelik on kún ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesine resmı jarııalaýǵa jiberýdi;

3) osy buıryqtyń Qazaqstan Respýblıkasy Investıtsııalar jáne damý mınıstrliginiń ınternet-resýrsynda jáne Qazaqstan Respýblıkasy Memlekettik organdarynyń ıntranet-portalynda ornalastyrýdy;

4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investıtsııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.

3. Osy buıryqtyń oryndalýyn baqylaý Qazaqstan Respýblıkasynyń Investıtsııalar jáne damý mınıstrliginiń jetekshilik etetin vıtse-mınıstrine júktelsin.

4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Investıtsııalar jáne damý

mınıstriniń mindetin atqarýshy J.QASYMBEK

«KELІSІLDІ»

Qazaqstan Respýblıkasynyń Qarjy mınıstri

___________ B.T.SULTANOV

2015 jylǵy 11 maýsym

«KELІSІLDІ»

Qazaqstan Respýblıkasynyń Memlekettik kúzet qyzmetiniń bastyǵy

___________ A.J.KÚREŃBEKOV

2015 jylǵy 20 mamyr

«KELІSІLDІ»

Qazaqstan Respýblıkasynyń Ulttyq qaýipsizdik komıtetiniń tóraǵasy

___________ N.Á.ÁBІQAEV

2015 jylǵy 11 mamyr

«KELІSІLDІ»

Qazaqstan Respýblıkasynyń Іshki ister mınıstri

___________ Q.N.QASYMOV

2015 jylǵy 30 sáýir

Qazaqstan Respýblıkasy Investıtsııalar jáne damý mınıstriniń mindetin atqarýshynyń

2015 jylǵy 26 naýryzdaǵy №321 buıryǵymen bekitilgen

Avıatsııalyq qaýipsizdik qyzmeti týraly úlgi ereje

1. Jalpy erejeler

1. Osy Avıatsııalyq qaýipsizdik qyzmeti týraly úlgi ereje (budan ári - Ereje) «Qazaqstan Respýblıkasynyń áýe keńis­tigin paıdalaný jáne avıatsııa qyzmeti týraly» Qazaqstan Respýblıkasynyń 2010 jylǵy 15 shildedegi Zańyna (budan ári - Zań) sáıkes ázirlendi, avıatsııalyq qaýipsizdik qyzmetiniń mindetterin, fýnktsııalaryn, ókilettikterin anyqtaıdy.

2. Avıatsııalyq qaýipsizdik qyzmeti (budan ári - AQQ) áýejaılardaǵy jáne turaqty áýe tasymalyn oryndaıtyn avıakompanııalardaǵy derbes qurylymdyq bólimshe bolyp tabylady.

3. Áýejaıdyń jáne avıakompanııanyń avıatsııalyq qaýipsizdik qyzmetiniń qurylymdyq shemasynyń úlgisi osy erejeniń 1 jáne 2 qosymshalaryna sáıkes jasalady jáne uıynyn basshysymen bekitiledi.

4. AQQ mindeti avıatsııa qyzmetine zańsyz aralasý aktileriniń aldyn alýmen jáne olardy boldyrmaýmen qamtamasyz etiletin avıatsııanyń qaýipsiz qyzmetin qamtamasyz etý bolyp tabylady.

5. AQQ óziniń qyzmetinde Qazaqstan Respýblıkasynyń áýe keńistigin paıdalaný jáne avıatsııa qyzmeti salasyndaǵy zańdary men zańnamasyn, Halyqaralyq azamattyq avıatsııa týraly konventsııany jáne osy Erejeni (Chıkago, 1944 j.) basshylyqqa alady.

6. AQQ jumysy azamattyq avıatsııa salasyndaǵy ýákiletti organmen (budan ári - ýákiletti organ), Qazaqstan Respýblıkasynyń ulttyq qaýipsizdik organdarymen, quqyq qorǵaý jáne ózge de memlekettik organdarymen olardyń quzyretine sáıkes ózara is-qımyl jasaı otyryp júzege asyrylady.

7. AQQ týraly ereje osy Erejeniń negizinde ázirlenedi jáne ony áýejaı jáne turaqty áýe tasymalyn oryndaıtyn avıakompanııa basshysy bekitedi.

2. Avıatsııalyq qaýipsizdik qyzmetiniń fýnktsııalary

8. AAQ fýnktsııalary olardyń áýejaıǵa nemese turaqty áýe tasymalyn oryndaıtyn avıakompanııaǵa tıistiligine baılanysty belgilenedi.

9. Áýejaı AQQ mynadaı fýnktsııalardy júzege asyrady:

1) azamattyq avıatsııa uıymy qyzmetin úılestiredi jáne avıatsııalyq qaýipsizdikti qamtamasyz etý máseleleri boıynsha áýejaıdaǵy memlekettik organdarmen ózara is-qımyl jasaıdy;

2) áýejaıdaǵy ótkizý jáne obektishilik rejımdi júzege asyrady, onyń barysynda áýe kemelerin kúzetýdi jáne áýejaıdyń baqylanatyn aımaǵynda azamattyq avıatsııa uıymy obektileriniń qaýipsizdigin qamtamasyz etýdi uıymdastyrady;

3) áýejaıdyń baqylanatyn aımaǵynda shekteýli kirý aımaǵyn uıymdastyrady;

4) áýejaıdyń baqylanatyn aımaǵyna ótý (júrip ótý) quqyq beretin áýejaılyq ruqsattamalardy berýdi jáne alyp qoıýdy uıymdastyrady;

5) memlekettik organdarmen birlesken áýe kemelerin basyp alý (aıdap áketý) áreketterin boldyrmaý jáne jolyn kesý, tótenshe jaǵdaılar jáne onyń saldarlaryn joıý jónindegi is-sharalarǵa tikeleı qatysady jáne ýákiletti organnyń nusqaýyna sáıkes avıatsııalyq qaýipsizdikti kúsheıtý jónindegi qosymsha sharalardy júzege asyrady;

6) Zańnyń 107 babyna sáıkes avıatsııalyq personaldy, jolaýshylardy, qol júgi men bagajdy, poshta jóneltilimderin, júk pen bort qorlaryn (bort tamaǵyn) qarap tekserýdi júzege asyrady jáne qarap tekserý úderisinde alynǵan, áýe kóliginde tasymaldaýǵa tyıym salynǵan zattar men nárselerdi esepke alady;

7) áýejaıdyń avıatsııalyq qaýipsizdigi baǵdarlamasyn, áýejaıda avıatsııalyq qaýipsizdikti qamtamasyz etý tártibin reglamentteıtin nusqaýlyqtardy jáne rásimderdi ázirleıdi;

8) avıatsııalyq personaldyń, áýejaıda ornalasqan uıymdardyń, onyń qyzmetterin paıdalanatyn tulǵalardyń avıatsııalyq qaýipsizdiktiń qamtamasyz etilýin talaptardy reglamentteıtin normatıvtik aktilerdi oryndaýlaryn baqylaýdy júzege asyrady jáne ýákiletti organ men áýejaı basshylyǵynyń tapsyrmasy boıynsha olardaǵy buzýshylyq faktileri boıynsha qyzmettik tekserýlerge tikeleı qatysady;

9) asa mańyzdy ushýlar qaýipsizdigin qamtamasyz etýge qatysady;

10) áýe kemeleriniń qaýipsizdigin qamtamasyz etý boıynsha is-sharalarǵa qatysady;

11) Halyqaralyq azamattyq avıatsııa uıymynda (budan ári - IKAO) tirkelgen azamattyq avıatsııa oqý oryndarynda AQQ qyzmetkerlerin daıarlaý jáne qaıta daıarlaý merzimderiniń saqtalýyn qamtamasyz etedi;

12) qarap tekserýdiń tehnıkalyq quraldarynyń, kúzet jáne beıne baqylaý, baılanys ınjenerlik-tehnıkalyq quraldarynyń, qarýdyń saqtalýyn jáne paıdalanylýyn uıymdastyrady, olardyń tehnıkalyq jaı-kúıin baqylaýdy júzege asyrady;

13) áýe kemelerin ushý aldyndaǵy jáne arnaıy tekserýdi ótkizýge qatysady;

14) avıatsııalyq qaýipsizdikti qamtamasyz etý máseleleri boıynsha materıaldar jınaqtaıdy jáne taldaıdy, azamattyq avıatsııa uıymy men ýákiletti organ basshylyǵy úshin anyqtamalyq jáne esep materıaldaryn daıyndaıdy;

15) ýákiletti organmen kelise otyryp, avıatsııalyq qaýipsizdikti qamtamasyz etý úshin Zańda kózdelgen ózge de qyzmetterdi júzege asyrady;

16) ýákiletti organnyń tapsyrmasy boıynsha, ekıpaj múshesiniń jeke kýáligi alynyp tastalady jáne qaıta óńdeledi.

10. Turaqty áýe tasymalyn oryndaıtyn avıakompanııa AQQ mynadaı fýnktsııalardy júzege asyrady:

1) avıakompanııa qyzmetteriniń jumysyn úılestiredi jáne avıakompanııanyń avıatsııalyq qaýipsizdigin qamtamasyz etý máseleleri boıynsha memlekettik organdarmen ózara is-qımyl jasaıdy jáne júktelgen mindetterdi oryndaýda áýejaı AQQ tolyǵymen kómek kórsetýin qamtamasyz etedi;

2) avıakompanııa ekıpaj músheleriniń jeke kýálikterin tirkeýdi jáne esepke alýdy uıymdastyrady jáne olardy paıdalaný erejeleriniń saqtalýyn baqylaýdy júzege asyrady;

3) avıakompanııanyń áýe kemelerin basyp alý (aıdap áketý) áreketterin boldyrmaý jáne aldyn alý, tótenshe jaǵdaılar jáne onyń saldarlaryn joıý boıynsha is-sharalarda memlekettik organdarǵa járdemdesedi jáne ýákiletti organnyń nusqaýyna sáıkes, avıakompanııa áýe kemesiniń bortynda avıatsııalyq qaýipsizdikti kúsheıtý jónindegi qosymsha sharalardy júzege asyrady;

4) avıakompanııanyń avıatsııalyq qaýipsizdigi baǵdarlamasyn, avıatsııalyq qaýipsizdikti qamtamasyz etý tártibin reglamentteıtin nusqaýlyqtar jáne rásimder ázirleıdi;

5) avıakompanııanyń áýe kemelerin paıdalaný kezinde asa mańyzdy ushýlar qaýipsizdigin qamtamasyz etýge qatysady;

6) ýákiletti organmen kelise otyryp, áýe kemeleri bortyndaǵy qaýipsizdikti qamtamasyz etedi;

7) jolaýshylar men júk jóneltýshilerdiń avıatsııalyq qaýipsizdik jónindegi erejeler men rásimderdi oryndaýyn, áýejaılardyń avıatsııalyq qaýipsizdikti qamtamasyz etý jónindegi sharttyq mindettemelerdiń talaptaryn olardyń oryndaýyn baqylaıdy;

8) IKAO-da tirkelgen azamattyq avıatsııa oqý oryndarynda avıakompanııa AQQ qyzmetkerlerin daıarlaý jáne qaıta daıarlaý merzimderiniń saqtalýyn baqylaıdy;

9) avıakompanııanyń áýe kemelerin ushý aldyndaǵy jáne arnaıy tekserýden ótkizýge qatysady;

10) avıatsııalyq qaýipsizdikti qamtamasyz etý máseleleri boıynsha materıaldar jınaqtaıdy jáne taldaıdy, avıakompanııa men ýákiletti organ basshylyǵy úshin anyqtamalyq jáne esep materıaldaryn daıyndaıdy.

3. Avıatsııalyq qaýipsizdik qyzmetiniń basshylyǵy

11. Áýejaı men avıakompanııa AQQ basshysy áýejaıdyń jáne turaqty áýe tasymalyn oryndaıtyn avıakompanııanyń birinshi basshylaryna baǵynady.

12. AQQ basshysyn laýazymǵa taǵaıyndaý ulttyq qaýipsizdik organymen kelisiledi.

13. AQQ basshysy:

1) áýejaıdyń jáne turaqty áýe tasymalyn oryndaıtyn avıakompanııanyń avıatsııalyq qaýipsizdik qyzmetteriniń jumysyn uıymdastyrady jáne úılestiredi;

2) áýejaıdyń jáne turaqty áýe tasymalyn oryndaıtyn avıakompanııa qyzmetkerleriniń avıatsııalyq qaýipsizdik talaptaryn buzýshylyq faktileri boıynsha qyzmettik tekserý júrgizedi;

3) áýejaıdyń jáne turaqty áýe tasymalyn oryndaıtyn avıakompanııa basshylyǵyna avıatsııalyq personaldy tártiptik jaýapkershilikke tartý týraly ótinish bildiredi, avıatsııalyq qaýipsizdik tártibi men talaptaryn buzǵany úshin AQQ qyzmetkerlerin tártiptik jaýapkershilikke tartady jáne qyzmettik mindetterin oryndaýdan ýaqytsha shettetedi.

4. Avıatsııalyq qaýipsizdik qyzmetin materıaldyq-tehnıkalyq qamtamasyz etý

14. Áýejaıdyń jáne turaqty áýe tasymalyn oryndaıtyn avıakompanııa AQQ-nyń ózine avıatsııalyq qaýipsizdikti qamtamasyz etý boıynsha júktelgen mindetterdi oryndaýy úshin qajetti jaǵdaılar jasaıdy, onyń ishinde:

1) áýejaılarda avıatsııalyq qaýipsizdik salasyndaǵy normatıvtik quqyqtyq aktilerdiń talaptaryna sáıkes jolaýshylardy jáne avıatsııalyq personaldy, olardyń qol júkteri men bagajyn tekserýden ótkizý úshin tekserýdiń tehnıkalyq quraldarymen jabdyqtalǵan jáne jaraqtalǵan baqylanatyn aımaqtardyń bolýy;

2) áýejaıdyń baqylanatyn aımaq pen áýejaı obektileriniń perımetrlik qorshaýy, kúzetetin ınjenerlik-tehnıkalyq quraldar men beınebaqylaýy, radıo jáne telefon baılanysy quraldary men áýejaı aýmaǵyna ótýge arnalǵan baqylaý-ótkizý pýnktterinde jabdyqtalǵan tekserý quraldarynyń bolýy;

3) júkti, poshtalyq jóneltilimdi jáne bort tamaǵyn tekserýdi júrgizý úshin kirýge shekteý qoıylǵan aımaqtardyń bolýy;

4) «Kúzet qyzmeti týraly» Qazaqstan Respýblıkasynyń 2000 jylǵy 19 qazandaǵy Zańyna jáne «Jekelegen qarý túrleriniń aınalymyna memlekettik baqylaý jasaý týraly» Qazaqstan Respýblıkasynyń 1998 jylǵy 30 jeltoqsandaǵy Zańyna sáıkes qarýdyń jáne arnaıy quraldardyń bolýy;

5) baqylaý jáne beınebaqylaý tehnıkalyq quraldaryn, qarýdy jáne oq-dárilerdi, sondaı-aq olardy urlaý jáne olarǵa ruqsatsyz ótý múmkindigin boldyrmaıtyn avıatsııalyq qaýipsizdik boıynsha is-sharalardy júzege asyrý tártibin reglamentteıtin qujattamany ornalastyrýǵa jáne saqtaýǵa arnalǵan qyzmettik úı-jaılardyń bolýy;

6) syrtqy túri jaǵynan áýejaıdyń ózge qyzmetteriniń, ulttyq qaýipsizdik, quqyq qorǵaý, keden organdarynyń jáne basqa memlekettik organdardyń qyzmetkerlerinen erekshelenetin nysandy kıim-keshek pen arnaıy omyraý belgileriniń bolýy;

7) zańsyz aralasý aktileriniń jáne basqa da tótenshe jaǵdaılardyń saldaryn joıý jáne oqshaýlaý jónindegi is-sharalardy júrgizý kezinde áýe kemeleri úshin arnaıy jabdyqtalǵan turaqtardyń bolýy;

8) AQQ qyzmetkerlerine avıatsııalyq qaýipsizdikti reglamentteıtin normatıvtik qujattamany jáne nusqamany oqytý úshin qajetti aqparattyq jáne materıaldyq-tehnıkalyq bazanyń bolýy.

Avıatsııalyq qaýipsizdik qyzmeti týraly úlgi erejege 1-qosymsha

Áýejaıdyń avıatsııalyq qaýipsizdik qyzmetiniń qurylymdyq shemasynyń úlgisi

Avıatsııalyq qaýipsizdik qyzmeti týraly úlgi erejege 2-qosymsha

Turaqty áýemen tasymaldaýdy oryndaıtyn avıakompanııanyń

avıatsııalyq qaýipsizdik qyzmetiniń úlgilik qurylymdyq shemasy

Buıryq Qazaqstan Respýblıkasynyń Ádilet mınıstrliginde 2015 jylǵy 9 shildedegi Normatıvtik quqyqtyq kesimderdi memlekettik tirkeýdiń tizilimine №11603 bolyp engizildi.