Avıaapattan tiri qalǵan ıAk-42 ınjeneri alǵash ret suhbat berdi
ASTANA. 15 qazan. QazAqparat - ıAroslavlde apatqa ushaǵan ıAk-42 ushaǵy jolaýshylarynan jalǵyz tiri qalǵan ınjener Aleksandr Sızov jýrnalısterge alǵash ret suhbat berýge kelisti.
"Birinshi arnaǵa" bergen suhbatynda ol ushaqtyń jerge qulary aldyndaǵy sońǵy mınýttary týraly áńgimeledi.
Ushý kezinde jolaýshylar salonynda otyrǵan Aleksandr Sızovtyń aıtýynsha, ushaq jerden kóterilgen boıda tótenshe oqıǵa oryn alǵany belgili bolǵan kórinedi. Óıtkeni alyp laıner jerden uzaq ýaqyt kóterile almaǵan. Osyǵan baılanysty jolaýshylarda qobaljý paıda bolǵan.
"Áýege óte aýyr kóterildik, sol kezde mende ushaq qazir qulaýy múmkin degen oı paıda boldy. Budan keıin boıymdy úreı bıleı bastady", - degen ınjenerdiń sózin Lenta.rý keltiredi.
Sızov, sondaı-aq, ushar aldynda áýe kemesiniń tehnıkalyq jaǵdaıyn tekserýge ózi qatysqanyn aıtyp, «barlyǵy da oıdaǵydaı boldy, eshqandaı aqaýdyń belgisi bilingen joq. Ushaq ushýǵa asyqpaı daıyndaldy, eshbir tosyn jaǵdaılar baıqalǵan emes» dep atap kórsetedi. Ol buǵan deıin de Memleketaralyq avıatsııa komıtetine (MAK) ushaqtyń tehnıkalyq aqaýy bolmaǵanyn baıandaǵan bolatyn.
Sızov avıaapatqa ushyraǵanymen, osy mamandyǵyn aýystyrmaıtynyn da atap aıtty.
