AVEMARIA tobynyń qaýipti vırýsy qazaqstandyqtarǵa shabýyl jasaýda
Bul týraly QazAqparat «KZ-CERT» Kompıýterlik ıntsıdentterge áreket etý qyzmetine silteme jasap habarlaıdy.
Taldaý barysynda ZBQ AVEMARIA tobyna jatatyndyǵy jáne alaıaqtardyń «qurbandarynyń» pernelerin basý týraly aqparatty baqylaýǵa jáne jazýǵa arnalǵandyǵy anyqtaldy. Atalǵan ZBQ eseptik derekter (mysaly, elektrondyq poshta, áleýmettik jeliler), sondaı-aq ınternet-bankıng qosymshalarynyń derekterin jáne t.b. týraly aqparatty jınaıdy.
AVEMARIA júıege qosymsha zııandy BQ engizý múmkindigine ıe. ıAǵnı, ZBQ oryndalatyn faıldardy júkteý múmkindigi bar, qarapaıym tilmen aıtqanda, zııankester AVEMARIA-ny basqa zııandy baǵdarlamalardy taratý úshin qoldana alady. Atap aıtqanda, ZBQ-ny zııankester qorqytyp alýshy baǵdarlamalar men krıptomaınerlerdi taratý úshin qoldanady.
Bul zııandy baǵdarlamanyń ereksheligi Windows Defender baptaýlaryn Windows operatsııalyq júıesi ornatylǵan búkil dıskini skanerleýge jol bermeý úshin ózgertedi, óıtkeni AVEMARIA faıldary Windows katalogynda jasyrylǵan jáne bul ony vırýsqa qarsy baǵdarlamalar arqyly anyqtaýǵa jol bermeıdi.
Zııandy áreketterdi minez-qulyq sıpatyna qaraı taldaı alatyn tanymal vırýsqa qarsy baǵdarlamalar bul zııandy BQ anyqtaı alady jáne anyqtalǵan jaǵdaıda ony joıýǵa múmkindik beredi. Sondyqtan da qurylǵylardyń qaýipsizdigin qamtamasyz etý úshin KZ-CERT qyzmeti lıtsenzııalyq vırýsqa qarsy baǵdarlamalardy paıdalanýdy, sondaı-aq vırýsqa qarsy BQ bazasyn ýaqtyly jańartýdy usynady.
«Eger siz aqparattyq qaýipsizdik ıntsıdentiniń qurbany bolsańyz, bizdiń mamandarǵa tegin 1400 (táýlik boıy) nómiri boıynsha habarlaýdy nemese myna silteme boıynsha nemese Telegram messendjeri tobynda «Aqparattyq qaýipsizdik» arqyly ótinim jiberýdi nemese incident@kz-cert.kz email-ne hat jiberýdi suraımyz» -delingen habarlamada.
