«Avatar» fılminiń úshinshi bólimi 1 mıllıard dollardan astam qarajat jınady

ASTANA.KAZINFORM - Rejısser Djeıms Kemeronnyń «Avatar: Ot pen Kúl» fılminiń tabysy eki aptada álemdik kassada 1 mıllıard dollardan asyp tústi, dep habarlaıdy Kazinform agenttigi.

People basylymynyń málimetinshe, aldyńǵy eki fılm de mıllıardtaǵan qarajat jınady. 2022 jylǵy «Avatar: Sý joly» fılmi 14 kúnde 1 mıllıard dollar tapsa, 2009 jylǵy «Avatar» 17 kúnde 1 mıllıard dollar tapty. Franshızadaǵy alǵashqy eki fılm barlyq ýaqyttaǵy eń kóp qarajat jınaǵan fılmder qatarynda.

Barlyq «Avatar» fılmderiniń tabysynan basqa, Djeıms Kemeronnyń «Tıtanıgi» 2 mıllıard dollardan astam qarajat jınady. Bul ony tarıhta bıýdjeti 1 mıllıard dollardan asatyn tórt fılm túsirgen alǵashqy rejısser atandyrdy.

«Avatar: Ot pen Kúl» - 2025 jyly shyqqan jáne kassada 1 mıllıard dollardan asqan úsh fılmniń biri. 20th Century Studios málimeti boıynsha, «Lılo ı Stıch» 1,038 mıllıard dollar, al «Zveropolıs 2» 1,51 mıllıard dollar tabys tapty.

Al Box Office Mojo málimetinshe, «Avatar» barlyq ýaqyttaǵy eń kóp kassalyq fılm rekordyn ıelendi, 2022 jylǵy «Avatar: Sý joly» úshinshi orynda. Bul tizimde ekinshi orynda «Kek alýshylar: Fınal» (2019).

«Avatar: Ot pen kúl» fılm serııasyndaǵy eń uzaq ýaqytqa sozylǵan bólimi.

Taǵy eki «Avatar» fılmi ázirlený ústinde, alaıda 71 jastaǵy rejısser Kemeron jaqynda fılmniń jalǵasy bolatynyna senimdi emes ekenin málimdedi.

- Bul ári qaraı jalǵasa ma, joq pa, bilmeımin. Solaı bolady dep úmittenemin. Biraq, bilesiz be, biz árbir naryqqa shyǵýdyń ekonomıkalyq turǵydan tıimdi ekenin dáleldeımiz, - dedi ol 26 jeltoqsanda Entertainment Weekly basylymyna.

Buǵan deıin «Avatar» fılminiń jalǵasyn kórermender qazaq tilinde tamashalaı alatynyn habarlaǵan edik.