«Avatar» fılminiń jalǵasy 2017 jyly shyǵatyn boldy
ASTANA. QazAqparat - 2009 jyldyń eń tabysty, úzdik kınosy bolǵan «Avatar» fılmniń 3 serııadan turatyn jalǵasy 2017 jyly ǵana jaryqqa shyǵatyn boldy. Bul týraly rejısser Djeıms Kemeron aıtty, dep habarlaıdy VVS.
Kemeron jáne onyń dostary bir mezgilde 3 serııany qatar ázirlep jatyr. «Sondyqtan, jumys óte aýyr», - dedi «Termınator», «Tıtanık» syndy kınolardyń avtory D.Kemeron.
Negizi «Avatardyń» jańa serııasy 2016 jyly kórsetilýi kerek bolǵan. «Qazir 3 serııa stsenarıi qatar jazylyp jatyr, sýretshiler keıipkerlerdi somdap, dekoratsııalardy oılastyrýda», - deıdi rejısser. 3 serııa da aldyńǵy fılm izimen Jańa Zelandııada túsiriledi. Eske sala keteıik, «Avatar» fılmi 2009 jyly kınematografııa tarıhynda eń kóp tabys tapqan fılm boldy. Ol álem boıynsha prokattan 2,8 mlrd.dollar jınady. «Avatar» «Oskar» júldesiniń 3 syılyǵyna ıe boldy.
