Avarııalyq jaǵdaı týǵyzǵan: Qyzylordada kortej júrgizýshileri jaýapqa tartyldy
QYZYLORDA. KAZINFORM — Qyzylordalyq tártip saqshylary áleýmettik jelilerge júrgizilgen monıtorıng barysynda birneshe júrgizýshiniń kortej uıymdastyrǵanyn anyqtap, quqyqbuzýshylyqtyń jolyn kesti.
Kortej qozǵalysy barysynda júrgizýshiler manevr jasaý qaǵıdalaryn jáne mindetti saqtandyrý talaptaryn buzyp, avarııalyq jaǵdaı týǵyzǵan.
— Buǵan qosa olar kólikti toqtatý jáne turaqqa qoıý qaǵıdalaryn buzyp, usaq buzaqylyq jasaǵan, qaýipsizdik beldigin de taqpaǵan. Barlyq qatysýshy polıtsııa bólimine jetkizildi. Olar 19-26 jas aralyǵyndaǵy Qyzylorda qalasynyń turǵyndary bolyp shyqty, — delingen habarlamada.
8 quqyq buzýshyǵa qatysty 27 hattama toltyrylyp, aıyppul salyndy. Onyń 4-i usaq buzaqylyq jasaǵany úshin sottyń sheshimimen 5 táýlikke ákimshilik qamaýǵa alyndy. 7 avtokólik arnaıy turaqqa qoıyldy.
Buǵan deıin Qyzylorda oblysynyń Jańaqorǵan aýdanynda jol qozǵalysy erejelerin óreskel buzyp, qaýipti manevr jasaǵan kortej qatysýshylary anyqtaldy.
