Aýzyna kartop tyǵyndaǵan: Dosyn óltirgen pavlodarlyqqa úkim shyqty
PAVLODAR. QazAqparat - Pavlodar oblysynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen dosynyń aýzyna kartop tyǵyndap óltirgen er adamǵa qatysty isti qarady, dep habarlaıdy QazAqparat Pavlodarnews.kz saıtyna silteme jasap.
Aýyl turǵyny 2020 jyldyń 17 qyrkúıeginde kisi óltirgeni úshin kináli dep tanyldy. Іs materıaldaryna sáıkes, Podstepka aýylynyń turǵyny dosynyń jalǵyz ózi ishimdik ishkeni úshin renjip qalǵan. Tanysyn kereýette mas kúıinde jatqanyn kórgen ol ura jónelgen. Budan keıin eki shıki kartop túınegin alyp, uıyqtap jatqan adamnyń aýzyna bir-birden tyǵyndaǵan. Er adam mehanıkalyq asfıksııadan kóz jumdy.
Prokýror aıyptalýshyny 15 jylǵa bas bostandyǵynan aıyrýdy surady. Sottalýshy men onyń qorǵaýshysy bul qylmysqa qatysy joq ekenin aıtyp, aqtaý úkimin shyǵarýdy surady.
– Alaıda er adam dármensiz kúıde jatqan adamdy óltirgeni úshin kináli dep tanyldy. Alqabılerdiń biraýyzdan qabyldaǵan úkimimen 15 jylǵa bas bostandyǵynan aıyrý jazasy taǵaıyndaldy», - dep habarlady oblystyń qylmystyq ister jónindegi mamandandyrylǵan aýdanaralyq sotynyń baspasóz qyzmetinen.
Sottalǵan adam jazasyn qaýipsizdigi barynsha joǵary qylmystyq-atqarý júıesi mekemesinde óteýi tıis.
Úkim áli zańdy kúshine engen joq.
