Aýyzsýdan ajyratylǵan Egindikól aýylyna tirshilik nári keste boıynsha jetkizilýde
KÓKShETAÝ. QazAqparat - Aqmola oblysynyń Egindikól aýylynyń turǵyndary aýyzsýdan ajyratylyp, qazirgi ýaqytta tirshilik nári halyqqa tasymaldanyp jetkizilýde, dep habarlaıdy QazAqparat tilshisi.
Oblystyq ishki saıasat basqarmasynan málim etkendeı, aýyzsý qubyrlardy josparly túrde aýystyrý jumystaryna baılanysty ýaqytsha toqtatylǵan.
Magıstraldy sý qubyrlary aǵymdaǵy jóndeýden ótken soń, sýmen qamtamasyz etý jumystary tolyq qalpyna keltiriletin bolady.
Qazirgi kezde Egindikól aýdany ortalyǵynyń shetki kóshelerindegi turǵyndarǵa sý saǵat saıyn tasymaldanyp jetkizilýde. Halyq kóp jınalatyn qoǵamdyq oryndarda sý jetkizý kestesi ilýli tur.
