Aýyzsý men káriz júıesi joq: Almatylyqtardyń shaǵymyna ákimdik jaýap berdi
ALMATY. QazAqparat - Túrksib aýdanynda turatyn almatylyqtar áleýmettik jeli arqyly ortalyqtandyrylǵan káriz júıesi men aýyzsýdyń joqtyǵyna shaǵymdandy, dep habarlaıdy QazAqparat tilshisi.
«Túrksib aýdanyndaǵy Baımaǵambetov kóshesinde jeke sektorda turamyz. Bizde káriz júıesi men aýyzsý joq. Júrgizgen qubyrlardyń syrtqa shyǵyp jatqanyna 5-6 jyl boldy. Biz sýdy tasyp ishemiz. Qalanyń ortalyǵynda turamyz, biraq sý joq. Tipti, aýyldyq jerlerdiń ózinde aýlalarda sý bar»,- dep jazdy jeli qoldanýshylary.
Aýdandyq ákimdiktiń málimetinshe, Baımaǵambetov kóshesindegi ınjenerlik jelilerdiń qurylysyn aıaqtaý bıylǵa josparlanyp otyr.
«Jas Qanat» shaǵynaýdanynyń jeke sektorynda ornalasqan 530 úıi ortalyq kommýnıkatsııalarmen qamtamasyz etiledi. Qazirgi ýaqytta jobalyq-smetalyq qujattama ázirlenip jatyr. Jol salý jumystary Almaty qalasynyń Mobıldilik basqarmasy ınjenerlik jelilerdiń qurylysyn aıaqtaǵannan keıin júrgiziledi. Barlyq qajetti ótinishter aýdan ákimi apparatynan quzyreti mekemelerge berildi. Jumys merzimi men jospardy ýákiletti organdar anyqtaıdy», - dep jaýap berdi aýdan ákimdigi.
