Aýyzsý máselesine qatysty mańyzdy sheshimder qabyldanady - Úkimet basshysy
ASTANA. Maýsymnyń 24-i. QazAqparat /Rýslan Ǵabbasov/ - Úkimet basshysy Kárim Másimov aýyzsý máselesi boıynsha jan-jaqty zerdelengen usynystar jasaýdy tapsyrdy. Bundaı tapsyrmany Premer-Mınıstr búgin Astanadaǵy «Parasat» ulttyq ǵylymı-tehnologııalyq holdıngi» AQ-nyń jobalarymen tanysý kezinde júktedi.
«Keńes barysynda aıtylǵan nátıjeler boıynsha, sizderdiń ǵylymı qoldaýlaryńyzdy sýǵa qatysty máselelerdi sheshýde kórgim keledi. Taza aýyzsý, jer asty sýlary, sýmen qamtasyz etý sharalary aldaǵy aılarda meniń jumysymda da basty basymdyq bolady. Osyǵan baılanysty birqatar keńester ótkizemin. Atap aıtqanda, mańyzdy sheshimder qabyldanatyn bolady. Sondyqtan osy turǵyda ǵylym tarapynan tıisti qoldaý maǵan óte qajet», - dedi Úkimet basshysy.
Osy oraıda K. Másimov bul baǵytta aýqymdy qarjy bólinetinin aıtyp ótti. «Sheshimder durys qabyldaný úshin, barsha jumysty úılestirý kerek»,-dedi Premer-Mınıstr.
Aldaǵy 10 jylda eń basty qaýipsizdik - sý máselesi turǵysynda bolatynyna toqtalǵan K. Másimov, «osyǵan baılanysty uzaq merzimge arnalǵan máselelerdiń barlyǵyna tıisti sheshimderdi jasaýymyz shart. ıAǵnı, Balqash boıynsha, Araldy qalpyna keltirý turǵysynda máseleler qamtylýy kerek. Sý - aldyńǵy shepte turǵan máseleniń biri. Sondyqtan sizderdiń taraptaryńyzdan ınnovatsııalyq ári ózekti sheshimder kútemin. Bul baǵyttarǵa qarjy tabylady»,-dedi.
Úkimet basshysy osy taqyryp aıasyndaǵy sharalardyń barlyǵyn jańasha kózqaraspen iske asyrýdy tapsyrdy.
