Aýyz sýmen qamtý kórsetkishteri tómen óńirler basymdyqpen qarjylandyrylady

ASTANA. QazAqparat – Aýyz sýmen qamtýǵa jumsalatyn qarajat áýeli kórsetkishteri tómen óńirlerge baǵyttalady. Úkimet otyrysynda Indýstrııa jáne ınfraqurylymdyq damý mınıstri Marat Qarabaev osyndaı málimet aıtty, dep habarlaıdy QazAqparat tilshisi.

«2022 jyldyń qorytyndysy boıynsha aýyz sýǵa qoljetimdilik qalalarda 98,4% jáne aýyldarda 94,5% boldy. 9 óńirdiń (Aqtóbe, Almaty, Atyraý, Jetisý, Mańǵystaý, Soltústik Qazaqstan, Batys Qazaqstan, Qyzylorda jáne Ulytaý) qala turǵyndary aýyz sýmen 100% qamtylǵan. Qalalarda aýyz sýmen qamtýdyń eń tómen kóresetkishi Jambyl oblysynda – 91,9%», - dedi mınıstr.

Al, aýyldyq eldi mekenderdi aýyzsýmen qamtý kórsetkishi Qostanaı oblysynda – 80,4%, Aqmola oblysynda – 89,8% jáne Soltústik Qazaqstan oblysynda – 85% bolyp tur.

«Qamtý kórsetkishteri tómen óńirlerge qarajat basym negizde bólinedi, bul óz kezeginde artta qalǵan óńirlerdiń deńgeıin arttyrýǵa múmkindik beredi», - dedi Marat Qarabaev.