Aýyz sýmen qamtamasyz etýge bólingen qarajat ıgerilmeı jatyr - depýtat
«Memleket basshysy Qasym-Jomart Kemeluly Toqaevtyń 2021 jyldyń 1 qyrkúıegindegi Joldaýynda bes jyl ishinde halyqtyń 100 paıyzyn taza aýyz sýmen qamtamasyz etýdi tapsyrdy. Osy oraıda «Qýatty óńirler – el damýynyń draıveri» ulttyq jobasy aıasynda atalǵan kórsetkishke 2025 jyly jetý josparlaǵan», - dedi A. Berdalın Májilistiń jalpy otyrysynda QR Premer-Mınıstriniń orynbasary Roman Sklıardyń atyna joldaǵan saýalynda.
Ótken jyldyń qorytyndysy boıynsha elimizde sýmen jabdyqtaý qyzmetterine qoljetimdilik 96 paıyzdy qurady. Onyń ishinde, qalalarda 98 paıyz bolsa, aýyldyq eldimekenderdiń úles salmaǵy – 93 paıyz. Qazirgi tańda Atyraý, Soltústik Qazaqstan, Qyzylorda jáne Mańǵystaý oblystaryndaryndaǵy qala turǵyndary 100 paıyz sapaly aýyz sýmen qamtamasyz etilgen», – dep atap ótti komıtet tóraǵasynyń orynbasary Á.Nálibaev.
Onyń atýynsha, 2021 jyldyń qortyndysyna sáıkes, sýmen jabdyqtaý júıesimen qamtý elimiz boıynsha 96 paıyz, sonyń arasynda qalalarda - 98,1 paıyz, al aýyldarda 93 paıyz qurady.
«Bıylǵy 1 jeltoqsanyndaǵy jaǵdaı boıynsha ákimdikterdiń jedel aqparatyna sáıkes, bólingen 185 mlrd teńgeniń 153 mlrd teńgesi ıgerildi (83%). Osy jyly 127 aýyldy ortalyqtandyrylǵan aýyz sý júıesimen jabdyqtaý josparlanǵan bolsa, is júzinde 97-si ǵana qamtylýy múmkin. Qarajattyń ıegirmeýine baılanysty 30 aýylda jospar oryndalmaı qalýy yqtımal», - dedi depýtat.
Onyń sózine qaraǵanda, sýmen qamtamasyz etý júıesiniń qurylysy josparlanyp otyrǵan 164 aýylda jobalaý-smetalyq qujattamalardy ázirleýdi 2023 jyldyń sońyna deıin aıaqtaý qajet. Qazirgi ýaqytta 62 aýyl boıynsha jobalaý-smetalyq qujattamany daıarlaý jumystary júrgizilip jatsa, 102 aýyl boıynsha atalǵan jumystar bastalmaǵan.
«Osy oraıda jergilikti atqarýshy organdar halyqty 100 paıyz aýyz sýmen qamtamasyz etý úshin izdestirý-barlaý jumystaryn aıaqtaýy kerek. 2023 jyldyń sońyna deıin jobalaý-smetalyq qujattamany sapaly ázirleý mańyzdy. Bıylǵa bólingen qarajattyń tolyq ári sapaly ıgerilýin qamtamasyz etýdi suraımyz», - dedi A. Berdalın.
