Aýyz sý baǵdarlamasyn iske asyrýǵa oraı saraptamaǵa usynylǵan jobalardyń teń jarymyna jýyǵy memlekettik qurylys normalary talaptaryna sáıkes kelmeıdi
ASTANA. Shildeniń 13-i. QazAqparat /Marlan Jıembaı/ - 2002-2010 jyldardaǵy aýyz sý baǵdarlamasyn iske asyrýǵa oraı saraptamaǵa usynylǵan jobalardyń teń jarymyna jýyǵy memlekettik qurylys normalary talaptaryna sáıkes kelmeı otyr,
olar qaıta qarýǵa jiberiledi. Bul týraly búgin Úkimet otyrysynda Turǵyn úı kommýnaldyq sharýashylyǵy agenttiginiń tóraǵasy Serik Nokın málim etti.
Onyń atap ótýinshe, ótken jydyń ózinde ǵana qaraýǵa usynylǵan jobalardan 326 myńnan astamynan jobalaý normasyndaǵy aýytqýlar sııaqty túrli qatelikter anyqtaldy.
«Lıtsenzııalaý jergilikti atqarýshy organnyń quziretinde ekendigin eskergen agenttik ákimdikterge atalǵan aýytqýlarǵa, ásirese, normatıvtik talaptarda jáne jobalyq qujattarda qatelikter jiberetin jobalaý mekemelerine qatysty naqty sharalar qabyldaý úshin aqparattar jiberip otyrady», - dedi ol.
Onyń sózine qaraǵanda, qazirdiń ózinde birneshe ákimdik senimsiz jobalaýshylarǵa qatysty naqty sharalar qabyldap úlgergen. Máselen, OQO-da belgilengen tártippen jobalaý talaptaryn buzǵan 258 jobalaýshynyń lıtsenzııasy óz kúshin joıdy. Sondaı-aq, aǵymdaǵy jyly Astana qalasynda 17 jobalaýshynyń lıtsenzııasy alyndy.
«Bul oraıda barlyq ákimdikter senimsiz jobalaýshylarǵa qatysty qatań sharalar qabyldaıdy dep senemiz», - dedi S.Nokın.
