Aýyz shaıatyn suıyqtyq densaýlyqqa zııandy - ǵalymdar zertteýi
ASTANA. QazAqparat - Aýyzdy shaıatyn zararsyzdandyratyn suıyqtyq densaýlyqqa zııandy. Ǵalymdardyń aıtýynsha, ol qan qysymyn kóterip, paıdaly bakterııalardy (qan tamyrlarynyń keńeıýine kómektesedi) óltiredi jáne ınfarkt pen ınsýlttiń paıda bolýyna jol ashady, dep habarlady RBK The Telegraph basylymyna silteme jasap.
Máselen, zararsyzdandyratyn «Korsodıl» preparatyn qoldaný birneshe saǵat boıy qysymnyń kóterilýine soqtyrady. Bul týraly 19 densaýlyǵy jaqsy eriktiniń qatysýymen ótkizilgen synaqta belgili boldy (olar bul preparatty kúnine eki ret paıdalanyp otyrǵan). Mamandardyń aıtýynsha, qysymnyń 2 birlikke kóterilýiniń ózi ınfarktiden ólimge soqtyrýdy 7 paıyzǵa, ınsýlttan kóz jumýdy 10 paıyzǵa ulǵaıtady. «Biz tisinde ınfektsııa bar nemese qyzyl ıek aýrýy bolǵan jaǵdaıda adamdarǵa aýyz shaıatyn suıyqtardy paıdalanbaýdy usynamyz», - dedi London koroldik ýnıversıtetinen zertteý avtory Amrıta Ahlývalııa.
Qan tamyrlarynyń tolyqqandy keńeıýine qajetti nıtrıt óndiretin bakterııalardy óltire otyryp, aýyz shaıatyn suıyqtar aýyz qýysyndaǵy nıtrıttiń ósip-ónýin 90 paıyzǵa, qandy - 25 paıyzǵa azaıtady. «Condaı-aq «Lısterın» tárizdi suıyqtar da aýyz shaıýda paıdaly bakterııalarǵa zııanyn tıgizedi», dep sanaıdy sarapshylar.
«Korsodıl» preparatyn shyǵaratyn GlaxoSmithKline farmatsevtik kompanııasy jaqyn arada óz tutynýshyaryna jańa ónimin - Corsodyl Daily preparatyn usynbaq, onyń quramynda 0,06 paıyz ǵana hlorgeksıdın bar.
Ǵalymdardyń zertteýi Free Radical Biology And Medicine jýrnalynda jarııalandy.
