Aýyr júk kólikteriniń osine túsetin salmaqty ólsheý júıesi avtomattandyrylady

NUR-SULTAN. QazAqparat – QR IIDM Kólik komıteti tóraǵasynyń orynbasary Danııar Qospabaevtyń bul júıe iske asqan jaǵdaıda aýyr júk kólikteriniń osine túsetin salmaqty ınspektorlar teksere almaıdy, dep habarlaıdy QazAqparat tilshisi.

«Bizde jemqorlyqqa qatysty negizgi táýekelder joǵary gabarıtti ólshemderdi (salmaq ólshemderi) baqylaý barysynda týyndaıdy. Sol sebepten júk kólikteriniń salmaǵyn ólsheý protsedýrasynyń salasyn biz avtomattandyrǵaly otyrmyz. ıAǵnı, olardy ólsheı alatyn avtomatty júıeler ornatylady. Demek, bul rette ınspektor tekserý isine aralasa almaıdy», - dedi ol Sybaılas jemqorlyqqa qarsy is-qımyl agenttiginde ótken baspasóz máslıhatynda.

Danııar Qospabaevtyń aıtýynsha, bıyl Kólik komıtetine halyqaralyq, qalaaralyq jáne respýblıkaishilik baǵdarlardaǵy jolaýshylardyń bagajyn baqylaý quzyreti berilgen. Buryn ol quzyretke jol polıtsııasy ıe bolǵan.

«Bizge sondaı-aq, júrgizýshilerdiń eńbegi men demalysyn baqylaý quzyreti de berildi. Al kóliktegi qaýipsizdik máselesimen kóshpeli beketter aınalysady. ıAǵnı, jemqorlyq jaǵdaıy kezdesý yqtımaldyǵy joǵary salalardyń bárin avtomattandyryp jatyrmyz. Bul rette elordanyń shetindegi pılotty joba «Talapker» aýylynda bastalady. Kóktemde bastalatyn pılottyq jobamyzǵa barlyqtaryńyzdy shaqyramyz», - dedi ol.